Ayodhya Ram Mandir: వీడియోలు ఇవిగో, జై శ్రీరామ్ అంటూ 250 కార్లతో అమెరికాలో ర్యాలీ, 11 దేవాలయాల మీదుగా సాగిన శోభాయాత్ర
ఈ ర్యాలీ 100 మైళ్ల మేర సాగింది. ఈ ర్యాలీని శ్రీ మీనాక్షి ఆలయం దగ్గర ప్రారంభించి, రిచ్‌మండ్‌లోని శ్రీ శారదాంబ ఆలయం వద్ద ముగించారు
Hindu Americans hold car rally in Houston: అయోధ్యలో బాలరాముని ప్రాణ ప్రతిష్టపై అమెరికాలో సైతం జై శ్రీరామ్ నినాదాలు ప్రతిధ్వనిస్తున్నాయి. జనవరి 22న అయోధ్యలో జరిగే పవిత్రోత్సవానికి హాజరుకావాలని ఆలయ నిర్వాహకులకు అమెరికాలోని విశ్వహిందూ పరిషత్ (వీహెచ్‌పీ) ఆహ్వానం పంపింది. ఈ నేపధ్యంలో హ్యూస్టన్‌లో భక్తులు జై శ్రీరామ్ అంటూ కారు ర్యాలీ చేపట్టారు.
హిందూ అమెరికన్ కమ్యూనిటీ సభ్యులు హ్యూస్టన్‌లో ‘జై శ్రీరామ్’ నినాదాలు చేస్తూ 250 కార్లతో ర్యాలీ నిర్వహించారు. ఈ ర్యాలీ 100 మైళ్ల మేర సాగింది. ఈ ర్యాలీని శ్రీ మీనాక్షి ఆలయం దగ్గర ప్రారంభించి, రిచ్‌మండ్‌లోని శ్రీ శారదాంబ ఆలయం వద్ద ముగించారు.జై శ్రీరామ్ నినాదాలు చేస్తూ చేపట్టిన ఈ ర్యాలీ 11 దేవాలయాల మీదుగా సాగింది. సుమారు రెండు వేల మందికి పైగా భక్తులు సంకీర్తనలతో శోభాయాత్రకు స్వాగతం పలికారు
Here's Videos