Migrant Boat Missing: 200 మందితో స్పెయిన్ వెళ్తున్న బోటు మిస్సింగ్, కానరీ దీవుల్లో రెస్క్యూ ఆప‌రేష‌న్ చేపట్టిన స్పానిష్ ద‌ళాలు

సెనెగల్ నుండి వలస వచ్చిన బోటు 200 మందితో కానరీ దీవుల నుండి తప్పిపోయింది. ప‌శ్చిమ ఆఫ్రికా తీరంలో ఉన్న కాన‌రీ దీవుల్లో ఈ బోటు మిస్సయినట్లు అధికారులు గుర్తించారు. వారి కోసం స్పానిష్ ద‌ళాలు రెస్క్యూ ఆప‌రేష‌న్ చేప‌ట్టాయి. ద‌క్షిణ సెనిగ‌ల్‌లోని కాఫౌంటైన్ నుంచి బోటు స్టార్ట్ అయిన‌ట్లు వాకింగ్ బోర్డ‌ర్స్ గ్రూపు పేర్కొన్న‌ది. కాన‌రీ దీవుల‌ నుంచి ఆ న‌గ‌రం దాదాపు 1700 కిలోమీట‌ర్ల దూరంలో ఉంటుంది. ఆ బోటులో అనేక మంది చిన్నారులతో సహా 200 మంది ఉన్న‌ట్లు అధికారులుపేర్కొన్నారు. ఆ బోటు త‌ర‌హాలోనే మ‌రో రెండు బోట్లు కూడా డ‌జ‌న్ల సంఖ్య‌లో శ‌ర‌ణార్ధుల్ని తీసుకువెళ్తున్నాయి. అయితే ఆ బోట్లు కూడా మిస్సైన‌ట్లు తెలుస్తోంది. మొత్తం 300 మంది ఆచూకీలేకుండా పోయిన‌ట్లు స్పెయిన్ రెస్క్యూ అధికారులు చెబుతున్నారు.