Sanae Takaichi: జపాన్ తొలి మహిళా ప్రధానిగా ఎన్నికైన సనై టకైచి, పార్లమెంట్లో జరిగిన ఓటింగ్లో లిబరల్ డెమోక్రటిక్ పార్టీ- జపాన్ ఇన్నోవేషన్ పార్టీ కూటమితో భారీ మద్ధతు
జపాన్లో చరిత్రాత్మక ఘట్టం ఆవిష్కృతమైంది. సనై టకైచి దేశ తొలి మహిళా ప్రధానమంత్రిగా ఎన్నికయ్యారు. లిబరల్ డెమోక్రటిక్ పార్టీ (LDP) అధ్యక్షురాలిగా ఉన్న తకైచి, పార్టీలో అంతర్గత విభేదాల నేపథ్యంలో పదవీ విరమణ చేసిన షిగెరు ఇషిబాకు తరువాత ప్రధానమంత్రిగా ఎన్నికయ్యారు.
జపాన్లో చరిత్రాత్మక ఘట్టం ఆవిష్కృతమైంది. సనై టకైచి దేశ తొలి మహిళా ప్రధానమంత్రిగా ఎన్నికయ్యారు. లిబరల్ డెమోక్రటిక్ పార్టీ (LDP) అధ్యక్షురాలిగా ఉన్న తకైచి, పార్టీలో అంతర్గత విభేదాల నేపథ్యంలో పదవీ విరమణ చేసిన షిగెరు ఇషిబాకు తరువాత ప్రధానమంత్రిగా ఎన్నికయ్యారు. ఇటీవల జరిగిన పార్లమెంట్ ఎన్నికల్లో అధికార పార్టీ మెజార్టీ కోల్పోవడం, ఇషిబాపై ఒత్తిడిని పెంచింది. దీంతో ఆయన రాజీనామా చేశారు.తదనంతర పరిణామాల మధ్య శనివారం జరిగిన పార్టీ ఎన్నికల్లో తకైచి.. మాజీ ప్రధాన మంత్రి కుమారుడు షింజిరో కోయిజుమి, మరి కొందరు అభ్యర్థులను ఓడించి LDP అధ్యక్షురాలిగా ఎన్నికయ్యారు.
నేడు పార్లమెంట్లో జరిగిన ఓటింగ్లో టకైచి భారీ మద్దతు పొందారు. దీంతో జపాన్కు తొలి మహిళా ప్రధానిగా తకైచి అరుదైన ఘనత సాధించారు. 64 ఏళ్ల టకైచి 1993లో నారా నుండి పార్లమెంటులో ప్రవేశించి ఆర్థిక భద్రత, అంతర్గత వ్యవహారాలు, లింగ సమానత్వం వంటి కీలక విభాగాలలో పనిచేశారు. ఆమె ఎన్నిక ద్వారా జపాన్లో మహిళా నాయకత్వానికి పెద్దగా అవకాశాలు కల్పించబడిన ఘనతను సృష్టించింది.
జపాన్ ప్రధానిగా ఎన్నికైన టకైచికి భారత ప్రధాని నరేంద్ర మోదీ ఆమెకు శుభాకాంక్షలు తెలిపారు. భారత్-జపాన్ ప్రత్యేక వ్యూహాత్మక భాగస్వామ్యాన్ని మరింత బలోపేతం చేయడంలో, ఇన్డో-పసిఫిక్ ప్రాంతంలో శాంతి, స్థిరత్వం, శ్రేయస్సు సాధించడంలో తకైచితో కలిసి పని చేయడానికి ఆసక్తి వ్యక్తం చేశారు.
Sanae Takaichi Becomes First Female Prime Minister of Japan
India PM Modi Wishes