India Vs Pakistan: ఉత్కంఠభరితమైన భారత్ పాక్ వరల్డ్ కప్ తొలి మ్యాచులో, పాకిస్థాన్ ను చిత్తు చేసిన భారత్, విరాట్ విశ్వరూపం...
పాక్ గెలవడానికి 160 పరుగుల లక్ష్యాన్ని ఇవ్వగా, రోహిత్ సేన ఛేదించింది.
Ind Vs Pak : ఉత్కంఠభరితంగా సాగిన మ్యాచ్‌లో టీమిండియా ఆరు వికెట్ల తేడాతో పాకిస్థాన్‌ను ఓడించింది. 53 బంతుల్లో 82 పరుగులతో అజేయ ఇన్నింగ్స్ ఆడిన విరాట్ కోహ్లి భారత జట్టు విజయానికి హీరోగా నిలిచాడు. చివరి బంతికి రవిచంద్రన్‌ అశ్విన్‌ ఫోర్‌ కొట్టి భారత్‌కు విజయాన్ని అందించాడు. ఇదిలా ఉంటే భారత్ ఆరంభం సరిగా లేకపోవడంతో ఆరంభంలోనే కెప్టెన్ రోహిత్ శర్మ, కేఎల్ రాహుల్ వికెట్లను కోల్పోయింది. దీని తర్వాత భారత్‌కు చెందిన సూర్యకుమార్, అక్షర్ పటేల్ కూడా ఎలాంటి ప్రత్యేక ప్రదర్శన చేయలేకపోయారు, దీంతో భారత్ స్కోరు 4 వికెట్లకు 31 పరుగులు. ఆ తర్వాత విరాట్ కోహ్లి, హార్దిక్‌ పాండ్యా సెంచరీ భాగస్వామ్యాలు భారత్‌ను గెలిపించాయి.
పూర్తి వివరాల్లోకి వెళితే.. T20 ప్రపంచ కప్ 2022 తొలి మ్యాచ్‌లో పాకిస్తాన్ పై భారత్ 4 వికెట్ల తేడాతో గెలిచింది. పాకిస్థాన్ 160 పరుగుల లక్ష్యాన్ని ఇవ్వగా, రోహిత్ సేన ఛేదించింది. మెల్‌బోర్న్ వేదికగా జరుగుతున్న ఈ మ్యాచ్‌లో టాస్ ఓడి తొలుత బ్యాటింగ్ చేసిన పాకిస్థాన్ 8 వికెట్ల నష్టానికి 159 పరుగులు చేసింది. భారత్ తరఫున అర్ష్‌దీప్‌ సింగ్‌, హార్దిక్‌ పాండ్యా చెరో మూడు వికెట్లు తీశారు.
అంతకుముందు, మ్యాచ్ ప్రారంభ ఓవర్లు, మిడిల్ ఓవర్లలో భారత బౌలర్లు అద్భుతంగా బౌలింగ్ చేశారు, దీని కారణంగా పాకిస్తాన్ 159 పరుగుల స్కోరును మాత్రమే చేరుకోగలిగింది. భారత జట్టు బౌలింగ్‌లో అర్ష్‌దీప్‌ సింగ్‌, హార్దిక్‌ పాండ్యా రాణించారు.
ఇదిలా ఉంటే కెప్టెన్ రోహిత్ శర్మ సారథ్యంలో టీమిండియా తొలిసారి ప్రపంచకప్‌లో అడుగుపెట్టనుంది. గత టీ20 ప్రపంచకప్‌లో పాకిస్థాన్ చేతిలో భారత్ 10 వికెట్ల తేడాతో ఓటమి చవిచూడాల్సి వచ్చింది. అటువంటి పరిస్థితిలో, మెల్‌బోర్న్‌లో, ఇప్పుడు టీమ్ ఇండియా పాకిస్థాన్ ను మట్టి కరిపించి కడిగి తన ప్రతీకారం తీర్చుకోవాలనుకుంటోంది. 15 ఏళ్లుగా టీ20 ప్రపంచకప్‌ను టీమిండియా గెలవలేదు కాబట్టి ఈ కలను కూడా నెరవేర్చుకోవాల్సిన అవసరం ఉంది.