Mekapati ChandraSekhar Reddy: వివాదంలో ఎమ్మెల్యే మేకపాటి చంద్రశేఖర్ రెడ్డి, నా తండ్రి మేకపాటి అంటూ మీడియాకు ఎక్కిన శివచరణ్, అతడో బ్లాక్ మెయిలర్ అంటున్న మేకపాటి..
ఎమ్మెల్యే మేకపాటి చంద్రశేఖరరెడ్డి కుమారుడిని తానేనని శివ చరణ్ రెడ్డి అనే వ్యక్తి బయటికొచ్చారు. చిన్నప్పటి నుంచి తనను రహస్యంగా ఉంచారని.. అయితే, తనకు కుమారుడు లేడని ఇటీవల తన తండ్రి చేసిన వ్యాఖ్యలతో మనస్తాపం చెంది బయటకు వచ్చానని శివచరణ్ రెడ్డి వెల్లడించారు.
నెల్లూరు జిల్లా ఉదయగిరి ఎమ్మెల్యే మేకపాటి చంద్రశేఖర రెడ్డి వ్యవహారం ఏపీ రాజకీయాల్లో హాట్ టాపిక్గా మారింది. ఎమ్మెల్యే మేకపాటి చంద్రశేఖరరెడ్డి కుమారుడిని తానేనని శివ చరణ్ రెడ్డి అనే వ్యక్తి బయటికొచ్చారు. చిన్నప్పటి నుంచి తనను రహస్యంగా ఉంచారని.. అయితే, తనకు కుమారుడు లేడని ఇటీవల తన తండ్రి చేసిన వ్యాఖ్యలతో మనస్తాపం చెంది బయటకు వచ్చానని శివచరణ్ రెడ్డి వెల్లడించారు. ఎమ్మెల్యే మేకపాటి నా తండ్రి అంటూ శివచరణ్ రెడ్డి లేక విడుదల చేశారు.
మేకపాటి మాత్రం శివచరణ్ నా కొడుకు కాదంటున్నారు. తనకు కుమారుడే లేరని ఎమ్మెల్యే మేకపాటి స్పష్టం చేశారు. డబ్బుల కోసమే బ్లాక్ మెయిల్ చేస్తున్నాడని మండిపడ్డారు. శివచరణ్తో నాకు ఎలాంటి సంబంధం లేదని మేకపాటి తేల్చి చెప్పారు. మేకపాటి వ్యాఖ్యలపై శివచరణ్ స్పందించారు. నా ఊరు కొంపలో ఎవరిని అడిగినా వాస్తవం చెబుతారు.. నా సర్టిఫికెట్లన్నింటిలో మేకపాటి పేరు ఉంది.. ఐడెంటిటీ కోసమే నా తాపత్రయం అని శివచరణ్ రెడ్డి పేర్కొన్నారు.