Power Cuts in Hyderabad: నేటి నుంచి ఫిబ్రవరి 10 వరకు హైదరాబాద్‌లో రెండు గంటలు కరెంట్ కోతలు, వివరాలు http://tssouthernpower.com వెబ్‌సైట్‌లో చెక్ చేసుకోవాలని విద్యుత్ అధికారులు సూచన
వార్షిక నిర్వహణ, మరమ్మత్తు పనుల్లో భాగంగా ఈ కోతలను అమలు చేస్తున్నట్లు TSSAPDCL MD ముషారఫ్ అలీ ఫరూఖీ తన (ఎక్స్) వేదికగా వెల్లడించారు
Hyd, Jan 17: హైదరాబాద్ నగరంలో నేటి నుంచి ఫిబ్రవరి 10 వరకు రోజూ రెండు గంటలు కరెంట్ కోతలు (Two hours of power cuts in Hyderabad) అమల్లోకి రానున్నాయని విద్యుత్ అధికారులు ప్రకటించారు. వార్షిక నిర్వహణ, మరమ్మత్తు పనుల్లో భాగంగా ఈ కోతలను అమలు చేస్తున్నట్లు TSSAPDCL MD ముషారఫ్ అలీ ఫరూఖీ తన (ఎక్స్) వేదికగా వెల్లడించారు.ఈ కరెంటు కోతల వల్ల ప్రజలకు కలిగిన అసౌకర్యానికి చింతిస్తున్నట్లు తెలిపారు.
వేసవి/రబీ సీజన్‌లో అధిక విద్యుత్ డిమాండ్‌కు సిద్ధం కావడానికి వార్షిక నిర్వహణలో భాగంగా రెండు గంటల వరకు విద్యుత్ కోతలు ఉండే అవకాశం ఉందని ఆయన చెప్పారు. నిర్వహణ పనుల్లో భాగంగా విద్యుత్ లైన్లపై పెరిగిన చెట్ల కొమ్మలను తొలగించి విద్యుత్ లైన్లను పరిశీలించి అవసరమైతే కొత్తవి వేస్తామని ముషారఫ్ తెలిపారు. కరెంటు కోతలు ఉంటాయని, రోజూ కాదని, ఒక్కో ఫీడర్‌కు ఒక రోజు మాత్రమేనని తెలిపారు.
వీడియో ఇదిగో, చిందులేస్తూ ప్రొఫెసర్ జయశంకర్ విగ్రహాన్ని పగలకొట్టిన దుండగుడు, పోలీసుల ముందే..
జీహెచ్‌ఎంసీ పరిధిలో దాదాపు 3 వేల బేసి ఫీడర్లు ఉన్నాయని.. నేటి (జనవరి 17) నుంచి 2024 ఫిబ్రవరి 10 వరకు (ఆదివారాలు & పండుగలు మినహా) 15 నిమిషాల నుంచి 2 గంటల వరకు విద్యుత్‌ను నిలిపివేసి నిర్వహణ పనులు పూర్తి చేయాలని క్షేత్రస్థాయి సిబ్బందిని ఆదేశించారు. నిర్వహణ పనులు జరిగే ప్రాంతాల్లోనే కరెంటు కోతలు ఉంటాయన్నారు. విద్యుత్తు అంతరాయాలకు సంబంధించిన వివరాలు http://tssouthernpower.com వెబ్‌సైట్‌లో అప్‌లోడ్ చేయబడతాయని తెలిపారు.