MILKYWAY Tablet With BharatGPT: భారతదేశపు మొట్టమొదటి కృత్రిమ మేధ ఆధారిత ఎడ్యుకేషనల్ టాబ్లెట్ విడుదల, విద్యార్థుల కోసం ప్రత్యేకంగా రూపొందించిన ఈ పరికరంలో ప్రత్యేకతలు ఎన్నో, దీని ఫీచర్లు.. ఇతర వివరాలు ఇక్కడ తెలుసుకోండి!
MILKYWAY Tablet With BharatGPT: ఎపిక్ ఫౌండేషన్ అనే సంస్థ 'మిల్క్‌వే' పేరుతో దేశంలోనే మొట్టమొదటి స్వదేశీ తయారీ ఎడ్యుకేషన్ టాబ్లెట్‌ను విడుదల చేసింది. ఇది పూర్తిగా మేడ్- ఇన్- ఇండియా టాబ్లెట్, దీనిని MediaTek మరియు CoRover.ai సహకారంతో VVDN టెక్నాలజీస్ రూపొందించింది.
ఈ MILKYWAY టాబ్లెట్ చాలా ప్రత్యేకమైనది, ఇది ChatGPTకి దేశీయ అవతారంగా చెప్పే BharatGPT ద్వారా ఆధారితమైనది. అనేక AI-సెంట్రిక్ ఫీచర్‌లను కలిగి ఉంటుంది. ఈ టాబ్లెట్‌ను సులభంగా రిపేర్ చేయవచ్చు, అప్‌గ్రేడ్ చేయవచ్చు.
అంతేకాకుండా ఆర్టిఫిషియల్ ఇంటెలిజెన్స్ (AI)-ఇంటిగ్రేషన్ కలిగి ఆపరేటింగ్ చాలా సులభతరంగా ఉంటుంది.
దేశీయంగా విద్యారంగాన్ని బలోపేతం చేసేందుకు, విద్యార్థులకు ఉపయోగపడేలా ఈ టాబ్లెట్‌ను రూపొందించారు. ప్రభుత్వ పాఠశాలల్లో చదివే విద్యార్థులకు విద్యను మరింత చేరువచేసేలా, రాష్ట్ర ప్రభుత్వాల కోసం మూడు లక్షల టాబ్లెట్‌లను తయారు చేయాలన్నది కంపెనీ లక్ష్యం.
ఈ టాబ్లెట్ విద్యార్థులకు చాలా రకాలుగా సహాయపడుతుంది. BharatGPT వర్చువల్ అసిస్టెంట్ ద్వారా వాయిస్ అసిస్టెంట్, వీడియో చాట్ అసిస్టెంట్ కలిగి ఉంటుంది. డిజిటల్ లర్నింగ్ మరింత సులభతరం చేస్తూ.. ఉపన్యాసకులు ఏ భాషలో మాట్లాడినా, వారి మాతృభాషకు అనువాదం చేస్తుంది. ఇందులో రియల్ టైమ్ స్పీచ్ ట్రాన్స్‌లేషన్ యాప్‌ ఉంటుంది. ఇక, హార్డ్‌వేర్ పరంగా, మిల్క్‌వే ట్యాబ్లెట్‌లో ఎలాంటి ఫీచర్లు,స్పెసిఫికేషన్‌లను కలిగి ఉందో ఈ కింద పరిశీలించండి.
MILKYWAY Tablet ఫీచర్లు, స్పెసిఫికేషన్లు
- 8-అంగుళాల 1280x800 IPS HD డిస్‌ప్లే
- 3GB/4GB RAM, 32GB/64GB ఇంటర్నల్ స్టోరేజ్ సామర్థ్యం
- ఆక్టా-కోర్ మీడియాటెక్ MT8766A ప్రాసెసర్
- వీడియో కాల్స్ కోసం 8MP వెనుక కెమెరా, 5MP ఫ్రంట్ కెమెరా
- ఆండ్రాయిడ్ 13 ఆపరేటింగ్ సిస్టమ్
- 5100 mAh బ్యాటరీ సామర్థ్యం
కనెక్టివిటీ కోసం, బ్లూటూత్ 5.0, Wi-Fi , 4G LTE , BharatGPT పవర్డ్ AI మొదలైనవి ఉన్నాయి.
ఈ టాబ్లెట్ మార్కెట్ విడుదల తేదీ ఇంకా ప్రకటించనందున ధరలను ఇంకా నిర్ణయించలేదు, త్వరలో ఆ వివరాలు వెల్లడయ్యే అవకాశం ఉంది.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)