Coronavirus in India: బెంగుళూరు స్కూళ్లో 60 మంది విద్యార్థులకు కరోనా, ఐసోలేషన్కి వెళ్లిన విద్యార్థులు, దేశంలో తాజాగా 18,795 వేల మందికి కోవిడ్
దేశంలో ఈఏడాది మార్చి 11 తర్వాత తొలిసారిగా మంగళవారం (సెప్టెంబర్ 28) 20 వేల కంటే తక్కువగా కేసులు (Coronavirus in India) నమోదయ్యాయి. నిన్న 18,795 వేల మంది కరోనా బారినపడగా, తాజాగా ఆ సంఖ్య స్వల్పంగా పెరిగింది. దేశవ్యాప్తంగా గత 24 గంటల్లో కొత్తగా 18,870 కరోనా కేసులు నమోదయ్యాయి.
Bengaluru, Sep 29: దేశంలో ఈఏడాది మార్చి 11 తర్వాత తొలిసారిగా మంగళవారం (సెప్టెంబర్ 28) 20 వేల కంటే తక్కువగా కేసులు (Coronavirus in India) నమోదయ్యాయి. నిన్న 18,795 వేల మంది కరోనా బారినపడగా, తాజాగా ఆ సంఖ్య స్వల్పంగా పెరిగింది. దేశవ్యాప్తంగా గత 24 గంటల్లో కొత్తగా 18,870 కరోనా కేసులు నమోదయ్యాయి. దీంతో మొత్తం కేసుల సంఖ్య 3,37,16,451కు చేరింది. ఇందులో 3,29,86,180 మంది కరోనా నుంచి బయటపడగా, 4,47,751 మంది బాధితులు మరణించారు.
మరో 2,82,520 కేసులు యాక్టివ్గా ఉన్నాయి. మంగళవారం ఉదయం నుంచి ఇప్పటివరకు 28,178 మంది కరోనా నుంచి బయటపడగా, 378 మంది మృతిచెందారు. కొత్తగా నమోదైన కేసుల్లో కేరళలోనే 11,196 కేసులు ఉన్నాయని, 149 మంది మరణించారని కేంద్ర ఆరోగ్య శాఖ వెల్లడించింది.
దేశవ్యాప్తంగా కరోనా వ్యాక్సినేషన్ కొనసాగుతున్నది. నిన్న ఒకేరోజు 54,13,332 మందికి కరోనా టీకాలు పంపిణీ చేశామని తెలిపింది. దీంతో ఇప్పటివరకు 87,66,63,490 వ్యాక్సిన్ డోసులను పంపిణీ చేశామని వెల్లడించింది. కాగా, సెప్టెంబర్ 28 వరకు దేశంలో 56,74,50,185 నమూనాలకు కరోనా పరీక్షలు నిర్వహించామని భారతీయ వైద్య పరిశోధనా మండలి (ఐసీఎమ్మార్) తెలిపింది. ఇందులో నిన్న ఒకేరోజు 15,04,713 మందికి పరీక్షలు చేశామని పేర్కొన్నది.
కర్ణాటక రాజధాని బెంగళూరులోని ఎలక్ట్రానిక్ సిటీలోని ఒక రెసిడెన్షియల్ బోర్డింగ్ పాఠశాలలోని 60 మంది విద్యార్థులు (60 Students of Bengaluru School Test Positive ) కోవిడ్ -19 బారీన పడ్డారు. ఈ విషయాన్ని బెంగళూరు అర్బన్ జిల్లా జిల్లా కలెక్టర్ (DC) జె మంజునాథ్ తెలిపారు. 480 మంది విద్యార్థులలో, 60 మంది విద్యార్థులు కోవిడ్ -19 బారీన పడ్డారని వారిలో ఇద్దరు విద్యార్థులు తేలికపాటి లక్షణాలు కలిగి ఉన్నారని ఆయన తెలిపారు. వారిద్దరూ ఆసుపత్రి సంరక్షణలో ఉన్నారు. మిగిలిన విద్యార్థులు సరైన వైద్య సదుపాయంతో ఐసోలేషన్ లో ఉన్నారని తెలిపారు.
మేము ఏడవ రోజున రీటెస్ట్ నిర్వహిస్తాము. అక్టోబర్ 20 వరకు పాఠశాల మూసివేయబడింది. విద్యార్థులు గత ఒక నెల పాటు అక్కడ ఉన్నారు. వారు వచ్చినప్పుడు, వారికి ఎలాంటి లక్షణాలు లేవు. పాజిటివ్ పరీక్షించిన 60 మంది విద్యార్థులలో, కేవలం ఇద్దరికి మాత్రమే లక్షణాలు కనిపించాయని ఆయన తెలిపారు. మొదట్లో విద్యార్థికి వాంతులు, విరేచనాలు మొదలైన లక్షణాలు కనిపించాయని, ఆ తర్వాత అతడిని పరీక్షించి కోవిడ్ -19 తో పాజిటివ్ అని తేలిందని ఆ అధికారి తెలియజేశారు.
మొత్తం 480 మంది విద్యార్థుల్లో 57 మంది బోధన మరియు బోధనేతర సిబ్బంది కోవిడ్ -19 కొరకు పరీక్షించబడ్డారు. 60 మంది విద్యార్థులలో 14 మంది తమిళనాడు, 46 మంది కర్ణాటకలోని వివిధ ప్రాంతాల నుండి వచ్చారు.వారం రోజుల తరువాత, మేము మిగిలిన విద్యార్థుల కోసం మరోసారి పరీక్షిస్తామని మంజునాథ తెలిపారు. అన్ని కోవిడ్ -19 ప్రోటోకాల్లకు కట్టుబడి కర్ణాటకలోని 6-8 తరగతుల పాఠశాలలు సెప్టెంబర్ 6 న తిరిగి ప్రారంభమయ్యాయి.
ఇదిలా ఉండగా, గత 24 గంటల్లో కర్ణాటకలో మొత్తం 629 కొత్త COVID-19 కేసులు, 17 మరణాలు మరియు 782 రికవరీలు నమోదయ్యాయని రాష్ట్ర ఆరోగ్య శాఖ మంగళవారం తెలిపింది. రాష్ట్ర ఆరోగ్య శాఖ ప్రకారం, రాష్ట్రంలో సంచిత కేసులు 29,74,528 కి పెరిగాయి, ఇందులో 12,634 యాక్టివ్ కేసులు ఉన్నాయి. కర్ణాటకలో ఇప్పటివరకు మొత్తం 37,763 మంది కోవిడ్ ఇన్ఫెక్షన్కు గురయ్యారు, అయితే రికవరీ సంఖ్య 29,24,102. ప్రస్తుతం, రాష్ట్రంలో పాజిటివిటీ రేటు 1 శాతం కంటే తక్కువగా ఉంది మరియు మరణాల రేటు 3 శాతం కంటే తక్కువగా ఉంది.