HC on Abortion: అత్యాచార బాధితురాలి గర్భాన్ని తొలగించేందుకు నిరాకరించిన బాంబే హైకోర్టు, బిడ్డ భవిష్యత్తును దృష్టిలో ఉంచుకుని జన్మనివ్వవచ్చని తీర్పు

బలవంతంగా ప్రసవం చేసినా బిడ్డ సజీవంగా పుడుతుందని వైద్యులు అభిప్రాయపడటంతో 15 ఏళ్ల అత్యాచార బాధితురాలికి 28 వారాల గర్భాన్ని తొలగించుకునేందుకు బాంబే హైకోర్టు ఔరంగాబాద్ బెంచ్ నిరాకరించింది. బలవంతంగా డెలివరీ చేసినా కూడా బిడ్డ పుడుతుందనుకుంటే, ఆ బిడ్డ భవిష్యత్తును దృష్టిలో ఉంచుకుని నిండు గర్భిణి  జన్మనివ్వవచ్చని జూన్ 20న జస్టిస్ ఆర్వీ ఘుగే, వైజీ ఖోబ్రగాడేలతో కూడిన డివిజన్ బెంచ్ పేర్కొంది. బాలిక 28 వారాల గర్భాన్ని తొలగించేందుకు అనుమతి కోరుతూ అత్యాచార బాధితురాలి తల్లి దాఖలు చేసిన పిటిషన్‌ను కోర్టు విచారించింది.

మైనర్ బాలిక దత్తత కేసులో సుప్రీంకోర్టు కీలక తీర్పు, ఆమెను తండ్రికి అప్పగించాలంటూ ఒడిషా హైకోర్టు ఆదేశాలపై స్టే విధించిన అత్యున్నత ధర్మాసనం

ఈ ఏడాది ఫిబ్రవరిలో తన కూతురు కనిపించకుండా పోయిందని, మూడు నెలల తర్వాత రాజస్థాన్‌లో ఓ వ్యక్తితో కలిసి పోలీసులకు దొరికిపోయిందని ఆ పిటిషన్‌లో పేర్కొన్న మహిళ. లైంగిక నేరాల నుంచి పిల్లల రక్షణ (పోక్సో) చట్టంలోని సంబంధిత సెక్షన్ల కింద వ్యక్తిపై కేసు నమోదు చేశారు.బాలికను నాసిక్‌లోని గర్భిణీ స్త్రీలను సంరక్షించే షెల్టర్ హోమ్‌లో లేదా ఔరంగాబాద్‌లోని మహిళల కోసం ప్రభుత్వ షెల్టర్ హోమ్‌లో ఉంచవచ్చని కోర్టు పేర్కొంది. శిశువుకు జన్మనిచ్చిన తర్వాత, శిశువును ఉంచాలా లేదా దత్తత కోసం ఇవ్వాలా అనే దానిపై నిర్ణయం తీసుకునే స్వేచ్ఛ అమ్మాయికి ఉంటుందని హైకోర్టు తెలిపింది.