Employment News: నిరుద్యోగులకు గుడ్ న్యూస్, కేంద్రంలోని వివిధ శాఖల్లో 9.79 లక్షలకు పైగా ఖాళీలు, రైల్వే శాఖలో 2.93 లక్షల ఉద్యోగాలు ఖాళీగా ఉన్నాయని తెలిపిన కేంద్ర మంత్రి జితేంద్ర సింగ్

కేంద్ర ప్రభుత్వంలో 78 మంత్రిత్వ శాఖలు & విభాగాల్లో 9.79 లక్షలకు పైగా ఖాళీలు ఉన్నాయని కేంద్ర ప్రభుత్వం తెలిపింది. రైల్వే శాఖలో 2.93 లక్షలు, రక్షణ శాఖలో(సివిల్) 2.64 లక్షలు, హోం వ్యవహారాల శాఖలో 1.43 లక్షల ఖాళీలు ఉన్నాయని గురువారం రాజ్యసభకు తెలియజేసింది.

బిజెపి ఎంపి సుశీల్ మోడీ అడిగిన ప్రశ్నకు కేంద్ర మంత్రి జితేంద్ర సింగ్ లిఖితపూర్వక సమాధానంలో మాట్లాడుతూ, ప్రస్తుతం కొనసాగుతున్న 'రోజ్‌గార్ మేళా' ద్వారా 10 లక్షల మంది యువతకు లాభదాయకమైన సేవా అవకాశాలను అందించడంతో పాటు ఉపాధి, స్వయం ఉపాధి కల్పనలో ఉత్ప్రేరకంగా పనిచేస్తుందని అన్నారు.

 వ్యాపారులు ఇకపై పాన్ కార్డు చూపిస్తే చాలు, అధికారులకు మరే పత్రాలు చూపించనవసరం లేదు, సరికొత్త వ్యవస్థని అందుబాటులోకి తీసుకువస్తున్న కేంద్ర ప్రభుత్వం

దేశవ్యాప్తంగా 'రోజ్‌గార్ మేళా' కార్యక్రమాలు జరుగుతున్నాయి. వివిధ కేంద్ర మంత్రిత్వ శాఖలు, విభాగాలు, కేంద్ర ప్రభుత్వ రంగ సంస్థ, స్వయంప్రతిపత్త సంస్థలలో కొత్త నియామకాలు జరుగుతున్నాయని ఆయన తెలిపారు. జాతీయ రిక్రూట్‌మెంట్ ఏజెన్సీని ఏర్పాటు చేశామని, ఉత్తమ విధానాలను అవలంబించేందుకు కేంద్రం, రాష్ట్రాల్లోని రిక్రూట్‌మెంట్ సిస్టమ్‌లపై వివరణాత్మక అధ్యయనం చేశామని మంత్రి తెలిపారు.