Allu Arjun Covid: అల్లు అర్జున్‌కి కరోనా పాజిటివ్, ప్రస్తుతం ఇంటివద్దే ఐసోలేషన్‌లో ఉన్నానని ట్విట్టర్లో వెల్లడించిన బన్నీ, తనను కలిసిన వాళ్లు కరోనా పరీక్షలు చేయించుకోవాలని సూచన

టాలీవుడ్ ఐకాన్ స్టార్ అల్లు అర్జున్ కరోనా బారినపడ్డారు. తనకు కరోనా పాజిటివ్ వచ్చిందని ఆయనే స్వయంగా వెల్లడించారు. తనకు కరోనా (Allu Arjun Covid) సోకినట్టు వైద్య పరీక్షల్లో నిర్ధారణ అయిందని తెలిపారు. అన్ని మార్గదర్శకాలను పాటిస్తూ ప్రస్తుతం ఇంటివద్దే ఐసోలేషన్ లో ఉన్నానని బన్నీ వివరించారు. ఇటీవల తనను కలిసిన వాళ్లు తప్పకుండా కరోనా పరీక్షలు చేయించుకోవాలని స్పష్టం చేశారు.

ఇంటి వద్దే ఉంటే సురక్షితంగా ఉండండి, మీ వంతు వచ్చినప్పుడు వ్యాక్సిన్ వేయించుకోండి అని అభిమానులకు పిలుపునిచ్చారు. తన ఆరోగ్య పరిస్థితి పట్ల ఎవరూ ఆందోళన చెందవద్దని, ప్రస్తుతం తాను బాగానే ఉన్నానని శ్రేయోభిలాషులకు, అభిమానులకు తెలిపారు. ప్రేమతో మీ అల్లు అర్జున్ అంటూ ఇన్ స్టాగ్రామ్ ద్వారా వెల్లడించారు.