Vijay Deverakonda: అభిమానులకు విజయ దేవరకొండ నుంచి ఊహించని గిఫ్ట్.. మనాలీ ట్రిప్ కు 100 మంది
మనాలీలో మంచు పర్వతాల అందాలను చూసేందుకు 100 మంది అభిమానులను పంపిస్తానని ప్రకటించాడు.
Hyderabad, Jan 9: విజయ్ దేవరకొండ (Vijay Deverakonda) తన అభిమానుల (Fans) కోసం ఊహించని విధంగా న్యూ ఇయర్ గిఫ్ట్ తో (Newyear Gift) సర్ ప్రైజ్ ఇచ్చాడు. మనాలీలో (Manali) మంచు పర్వతాల అందాలను చూసేందుకు 100 మంది అభిమానులను పంపిస్తానని ప్రకటించాడు. ఇందుకు సంబంధించి ఇన్ స్టా గ్రామ్ (Instagram) ఖాతాలో ఓ వీడియోను పోస్ట్ చేశాడు. ‘‘ఆహారం, ప్రయాణం, వసతి అంతా నేనే చూసుకుంటాను. మనాలీకి ఐదు రోజుల పర్యటన ఉంటుంది.
మంచు దుప్పటేసిన పర్వతాలకు, ఆలయాలకు, మఠాలకు వెళతారు. ఎన్నో యాక్టివిటీలకు ప్లాన్ చేశాను. 18 ఏళ్లు నిండి, నన్ను అనుసరించే వారు గూగుల్ డాక్యుమెంట్ ను ఫిల్ చేయండి. మీలో 100 మందిని ఎంపిక చేసి మనాలీకి పంపిస్తాను. మీతో నేను కూడా జాయిన్ అవుతాను’’అని విజయ్ దేవరకొండ అభిమానులకు ఊహించని కానుకను ప్రకటించాడు. ఆ వీడియో మీరూ చూడండి.