Agnipath Protests: మిన్నంటిన ‘అగ్నిప‌థ్’ ఆందోళనలు, బీహార్ డిప్యూటీ సీఎం రేణూ దేవి ఇంటిని అటాక్ చేసిన ఆందోళన కారులు, దేశ వ్యాప్తంగా ఎగసిపడుతున్న ఆందోళనలు

అగ్నిప‌థ్ స్కీమ్‌ను వ్య‌తిరేకిస్తున్న యువ‌త‌.. బీహార్ డిప్యూటీ సీఎం రేణూ దేవి ఇంటిపై ఇవాళ దాడికి పాల్ప‌డ్డారు. బేటియాలో ఉన్న మంత్రి ఇంటిపై ఆందోళ‌న‌కారులు అటాక్ చేశారు. గ‌త రెండు రోజుల నుంచి బీహార్‌లో అగ్నిప‌థ్‌కు వ్య‌తిరేకింగా అగ్నిజ్వాల‌లు ఎగిసిప‌డుతున్నాయి. బేటియాలో ఉన్న త‌మ ఇంటిపై దాడి జ‌రిగింద‌ని, తీవ్ర న‌ష్టాన్ని ఎదుర్కొన్న‌ట్లు మంత్రి రేణూ దేవి కుమారుడు మీడియాతో తెలిపారు. అయితే మంత్రి పాట్నాలో ఉన్న‌ట్లు ఆయ‌న వెల్ల‌డించారు. ఇక బీహార్‌లోని హాజీపూర్ రైల్వే స్టేష‌న్‌లోనూ ఇవాళ ఆందోళ‌న‌కారులు విధ్వంసం సృష్టించారు. అయితే నిర‌స‌న‌కారుల్ని పోలీసులు త‌రిమారు. ప్ర‌స్థుతం ప‌రిస్థితి అదుపులో ఉంద‌ని, ఆందోళ‌న‌కారుల్ని త‌రిమేశామ‌ని, కొంద‌ర్ని అదుపులోకి తీసుకున్న హాజీపూర్ ఎస్పీ మ‌నీశ్ తెలిపారు.