Uttar Pradesh: రూ.3 లక్షలు లంచం తీసుకుంటూ సీబీఐకి రెడ్ హ్యాండెడ్ గా పట్టుబడిన యూపీ రైల్వే అధికారి, అతని ఇంటి నుంచి రూ.2.61 కోట్ల నగదును స్వాధీనం చేసుకున్న అధికారులు

CBI arrests railway officer in UP for taking Rs 3 lakh bribe: గోరఖ్‌పూర్‌లో నార్త్ ఈస్టర్న్ రైల్వే (ఎన్‌ఇఆర్) ప్రిన్సిపల్ చీఫ్ మెటీరియల్ మేనేజర్ కెసి జోషిని అవినీతి ఆరోపణలపై సెంట్రల్ బ్యూరో ఆఫ్ ఇన్వెస్టిగేషన్ (సిబిఐ) అరెస్టు చేసింది. ఉత్తరప్రదేశ్‌లోని గోరఖ్‌పూర్, నోయిడాలోని అతని అధికారిక నివాస ప్రాంగణాల్లో నిర్వహించిన సోదాల్లో దర్యాప్తు సంస్థ సుమారు రూ.2.61 కోట్ల నగదును స్వాధీనం చేసుకుంది.

ఇండియన్ రైల్వే స్టోర్స్ సర్వీస్ (ఐఆర్‌ఎస్‌ఎస్) 1988 బ్యాచ్‌కు చెందిన ఈ అధికారి సీబీఐ రహస్య ఆపరేషన్‌లో రూ.3 లక్షలు లంచం తీసుకుంటుండగా రెడ్‌హ్యాండెడ్‌గా పట్టుబడ్డాడు.రైల్వేకు ట్రక్కులు సరఫరా చేసే ఓ సంస్థ యజమాని నుంచి రూ.7 లక్షలు లంచం డిమాండ్ చేశారన్న ఆరోపణలతో సదరు అధికారిపై కేసు నమోదైంది.లంచం చెల్లించని పక్షంలో ప్రభుత్వ ఇ-మార్కెట్‌ప్లేస్ (జిఇఎమ్) పోర్టల్‌లో రిజిస్ట్రేషన్ రద్దు చేస్తామని ఫిర్యాదుదారు సంస్థను బెదిరించారు.దీంతో బాధితుడు సీబీఐని ఆశ్రయించడంతో స్పందించిన సీబీఐ వల వేసి నిందితుడు లంచం తీసుకుంటుండగా విజయవంతంగా పట్టుకుంది.తదుపరి చట్టపరమైన చర్యల కోసం రైల్వే అధికారిని లక్నోలోని కోర్టు ముందు హాజరుపరిచారు.

Here's News