Coronavirus in India: భారత్‌ లో 13శాతం తగ్గిన కరోనా రోజువారీ కేసులు, 9.27శాతానికి చేరిన డైలీ పాజిటివిటీ రేటు, ఆందోళనకర స్థాయిలో కరోనా మరణాలు

New Delhi Feb 04:  భారత్‌లో కరోనా తీవ్రత (Corona) క్రమంగా తగ్గుతోంది. నిన్నటితో పోలిస్తే రోజువారీ కరోనా కేసులు (Daily corona cases) 13 శాతం తగ్గాయి. గురువారం నాడు కొత్తగా 1,49,394 కరోనా కేసులు నమోదయ్యాయి. దీంతో మొత్తం కేసులు 4,19,52,712కు చేరాయి. ఇందులో 4,00,17,088 మంది బాధితులు కోలుకోగా, 5,00,055 మంది మృతిచెందారు.

మరో 14,35,569 మంది చికిత్స పొందుతున్నారు. అయితే మరణాలు మాత్రం భారీగా పెరిగాయి. ఒక్కరోజే 1072 మంది కరోనా బారిన పడి మృతి(Corona Deaths) చెందారు. ఇక కరోనా నుంచి కోలుకుంటున్నవారి సంఖ్య క్రమంగా పెరుగుతోంది. గడిచిన 24 గంటల్లో 2,46,674 మంది రికవరీ అయ్యారు. ప్రస్తుతం భారత్‌ లో కరోనా డైలీ పాజిటివిటీ రేటు (Daily positivity rate) కూడా భారీగా తగ్గుతోంది. ప్రస్తుతం రోజువారీ పాజిటివిటీ రేటు 9.27 శాతంగా ఉంది. ఇక దేశవ్యాప్తంగా 168.47 కోట్ల వ్యాక్సిన్‌ డోసులను పంపిణీ చేశామని ప్రకటించింది.

పలు రాష్ట్రాల్లో కరోనా తీవ్రత తగ్గగా, కేవలం కేరళ, కర్ణాటక, మహారాష్ట్ర, తమిళనాడు, రాజస్థాన్ ల్లో కేసులు భారీగా నమోదవుతున్నాయి. నిన్న కేరళలో అత్యధికంగా కేరళలో 42,677 కేసులు నమోదయ్యాయి. కర్ణాటకలో 16,436, మహారాష్ట్ర 15,252, తమిళనాడు 11,993, రాజస్థాన్‌లో 8073 చొప్పున కేసులు నమోదయ్యాయి.