Karnataka Road Accident: ఘోర రోడ్డు ప్రమాదంలో కాలి బూడిదైన బస్సు, 8 మంది సజీవ దహనం, మరి కొందరికి తీవ్రగాయాలు, ప్ర‌మాద స‌మ‌యంలో బ‌స్సులో 35 మంది ప్రయాణికులు

క‌ర్ణాట‌క‌లోని క‌ల‌బురిగి జిల్లాలో ఘోర రోడ్డుప్ర‌మాదం జ‌రిగింది. క‌మ‌లాపుర‌లో వేగంగా వ‌చ్చిన ఓ ప్ర‌యివేటు బ‌స్సు.. లారీని ఢీకొట్టింది. దీంతో ఒక్క‌సారిగా బ‌స్సులో మంట‌లు చెల‌రేగాయి. ఈ ప్ర‌మాదంలో 8 మంది ప్ర‌యాణికులు స‌జీవ‌ద‌హ‌నం అయ్యారు. మ‌రికొంద‌రు తీవ్రంగా గాయ‌ప‌డ్డారు. 12 మందిని ర‌క్షించి స్థానికులు ఆస్ప‌త్రికి త‌ర‌లించారు.స‌మాచారం అందుకున్న పోలీసులు ఘ‌ట‌నాస్థ‌లికి చేరుకుని స‌హాయ‌క చ‌ర్య‌లు చేప‌ట్టారు. మృత‌దేహాల‌ను స్వాధీనం చేసుకుని, క్ష‌త‌గాత్రుల‌ను చికిత్స నిమిత్తం స‌మీప ఆస్ప‌త్రికి త‌ర‌లించారు. ప్ర‌యివేటు బ‌స్సు గోవా నుంచి హైద‌రాబాద్‌కు వ‌స్తుండ‌గా ఈ ప్ర‌మాదం జ‌రిగిన‌ట్లు పోలీసులు పేర్కొన్నారు. ప్ర‌మాద స‌మ‌యంలో బ‌స్సులో 35 మంది ఉన్న‌ట్లు పోలీసులు పేర్కొన్నారు.