Punjab Road Accident: దర్గా వద్ద పూజలు చేసి తిరిగి వస్తుండగా ఘోర రోడ్డు ప్రమాదం, చిన్నారితో సహా ఆరుమంది మృతి

సంగ్రూర్ జిల్లా మెహ్లాన్ చౌక్ సమీపంలో గురువారం తెల్లవారుజామున వారు ప్రయాణిస్తున్న కారు ట్రక్కును ఢీకొనడంతో చిన్నారితో సహా ఆరుగురు మృతి చెందారు. పంజాబ్ పోలీసులు తెలిపిన వివరాల ప్రకారం, "సంగ్రూర్ జిల్లా సునమ్ తాలూకాలోని మెహ్లాన్ చౌక్ సమీపంలో తెల్లవారుజామున 2:00 గంటలకు ఈ సంఘటన జరిగింది. ఆరుగురు ప్రయాణికులు మలేర్‌కోట్లలోని బాబా హైదర్ షేక్ దర్గా వద్ద పూజలు చేసి తిరిగి వస్తున్నారు.

సంగ్రూర్ జిల్లా సునమ్ తాలూకాలోని మెహ్లాన్ చౌక్ సమీపంలో వారు ప్రయాణిస్తున్న కారు ట్రక్కును ఓవర్‌టేక్ చేసేందుకు ప్రయత్నించి, ఎదురుగా వస్తున్న మరో ట్రక్కును ఢీకొనడంతో ఈ ప్రమాదం జరిగిందని పోలీసులు ఈ ఘటనకు సంబంధించిన సమాచారాన్ని అందజేసారు. ప్రమాదం జరిగిన కొద్దిసేపటికే పోలీసులు సంఘటనా స్థలానికి చేరుకుని మృతదేహాలను కారులోంచి బయటకు తీశారు. వైద్యుడు నవదీప్ అరోరా తెలిపిన వివరాల ప్రకారం.. మృతుల మృతదేహాలను పోస్టుమార్టం నిమిత్తం సమీపంలోని ప్రభుత్వ ఆసుపత్రికి తరలించారు. ఈ విషయంపై తదుపరి విచారణ కొనసాగుతోంది.

Here's PTI Video