Raigad Landslide: రాయ్‌గఢ్ జిల్లాలో ఇళ్లపై విరిగిపడిన కొండ చరియలు, నలుగురు మృతి, శిథిలాల మధ్య చాలా మంది చిక్కుకున్నారని వార్తలు
గురువారం ఉదయం రాయ్‌గఢ్ జిల్లాలో కొండచరియలు విరిగిపడి నలుగురు మృతి చెందగా, పలువురు శిథిలాల కింద చిక్కుకున్నట్లు భావిస్తున్నారు. రాయ్‌గఢ్ పోలీసులు తెలిపిన వివరాల ప్రకారం, ఖలాపూర్ తహసీల్‌లోని ఇర్షల్వాడి గ్రామం వద్ద కొండచరియలు విరిగిపడటంతో, నలుగురు వ్యక్తులు మరణించారు.
గురువారం ఉదయం రాయ్‌గఢ్ జిల్లాలో కొండచరియలు విరిగిపడి నలుగురు మృతి చెందగా, పలువురు శిథిలాల కింద చిక్కుకున్నట్లు భావిస్తున్నారు. రాయ్‌గఢ్ పోలీసులు తెలిపిన వివరాల ప్రకారం, ఖలాపూర్ తహసీల్‌లోని ఇర్షల్వాడి గ్రామం వద్ద కొండచరియలు విరిగిపడటంతో, నలుగురు వ్యక్తులు మరణించారు. మరో ముగ్గురు గాయపడ్డారు. రక్షించిన వారిలో ఒకరు కూడా గుండెపోటుతో మరణించారని పోలీసులు తెలిపారు. నేషనల్ డిజాస్టర్ రెస్పాన్స్ ఫండ్ (NDRF) బృందాల ద్వారా రెస్క్యూ ఆపరేషన్ కొనసాగుతోంది.
ఘటనపై సమాచారం అందుకున్న రెండు బృందాలు ఘటనా స్థలానికి చేరుకుని సెర్చ్ అండ్ రెస్క్యూ ఆపరేషన్‌ను ప్రారంభించినట్లు ఎన్‌డిఆర్‌ఎఫ్ అధికారులు తెలిపారు. ఆపరేషన్‌లో చేరేందుకు ముంబై నుంచి మరో రెండు బృందాలు బయలుదేరినట్లు వారు తెలిపారు. ఈ ఘటన తర్వాత రాయ్‌గఢ్ పోలీసులు కంట్రోల్ రూం కూడా ఏర్పాటు చేశారు. ఘటనా స్థలం నుంచి ఇప్పటివరకు 30 మందిని రక్షించామని, అయితే శిథిలాల మధ్య చాలా మంది చిక్కుకున్నారని పోలీసులు తెలిపారు.
Here's ANI Videos