Rajasthan Road Accident: రాజస్థాన్‌లో ఘోర రోడ్డు ప్రమాదం, నలుగురు పోలీసులతో సహా ఐదుగురు వ్యక్తులు మృతి

రాజస్థాన్‌లో ఘోర రోడ్డు ప్రమాదం జరిగింది. ఈ ఘటనలో నలుగురు పోలీసులతో సహా ఐదుగురు వ్యక్తులు మృతి చెందారు. పోలీసులు గుజరాత్‌కు చెందిన వారని ఆ రాష్ట్ర సీఎం అశోక్‌ గెహ్లాట్‌ ట్వీట్‌ చేశారు. నిందితుడిని ఢిల్లీ నుంచి గుజరాత్‌కు తీసుకువెళ్తున్న సమయంలో రాజస్థాన్‌లోని భబ్రూ ప్రాంతంలో పోలీసుల వాహనాన్ని ట్రక్కు ఢీకొట్టింది. ట్రక్కు ఢీకొట్టడంతో పోలీసుల వాహనం నుజ్జునుజ్జయ్యింది.

ఢిల్లీ నుంచి గుజరాత్‌కు నిందితులను తీసుకెళ్తున్న గుజరాత్ పోలీసుల వాహనం జైపూర్‌లోని భబ్రూ ప్రాంతంలో జరిగిన ప్రమాదంలో నలుగురు పోలీసులతో సహా ఐదుగురు మరణించడం బాధాకరం. మృతుల కుటుంబ సభ్యులకు నా ప్రగాఢ సానుభూతి, భగవంతుడు వారికి మనోధైర్యాన్ని ప్రసాదించాలని, మరణించిన వారి ఆత్మకు శాంతి చేకూరాలని కోరుకుంటున్నానని సీఎం అశోక్‌ గెహ్లాట్‌ ట్వీట్ చేశారు.