Rajasthan Road Accident: ఘోర రోడ్డు ప్ర‌మాదంలో ఒకే కుటుంబానికి చెందిన ఏడుగురు మృతి, సిమెంట్ లోడ్‌తో వెళుతున్న ట్ర‌క్‌ను ఢీకొట్టిన కారు

రాజ‌స్ధాన్‌లోని హ‌నుమాన్‌ఘ‌ఢ్ వ‌ద్ద ఘోర రోడ్డు ప్ర‌మాదంలో (Road Accident) ఒకే కుటుంటానికి చెందిన ఏడుగురు వ్య‌క్తులు మ‌ర‌ణించారు. హ‌నుమాన్‌ఘ‌ఢ్‌-స‌ర్ధార్‌ష‌హ‌ర్ హైవేపై వారు ప్ర‌యానిస్తున్న కారు ట్ర‌క్కును ఢీకొన‌డంతో ఈ ప్ర‌మాదం జ‌రిగిందని పోలీసులు ఆదివారం తెలిపారు.ప్ర‌మాదం జ‌రిగిన స‌మ‌యంలో పిల్ల‌లతో స‌హా 9 మంది కారులో ప్ర‌యాణిస్తున్నారు. ప్ర‌మాదంలో ఏడుగురు కుటుంబ‌స‌భ్యులు ఘ‌ట‌నా స్ధ‌లంలోనే మ‌ర‌ణించ‌గా ఇద్ద‌రికి గాయాల‌య్యాయి. వారు ప్ర‌యాణిస్తున్న కారు సిమెంట్ లోడ్‌తో వెళుతున్న ట్ర‌క్‌ను ఢీ కొన‌డంతో ఈ దుర్ఘ‌ట‌న జ‌రిగింది. బాధిత కుటుంబం రాజ‌స్ధాన్‌లోని హనుమాన్‌ఘ‌ఢ్ స‌మీపంలో నురంగ్‌దేశ‌ర్ గ్రామానికి చెందిన‌ద‌ని పోలీసులు వెల్ల‌డించారు. ఘ‌ట‌న‌పై కేసు న‌మోదు చేసిన పోలీసులు ద‌ర్యాప్తు ముమ్మ‌రం చేశారు.

Here's News