Karnataka Road Accident: కర్నాటకలో ఘోర ప్రమాదం, కారును ఢీకొట్టిన గుర్తు తెలియని వాహనం, 5 మంది అక్కడికక్కడే మృతి,మరో నలుగురికి తీవ్ర గాయాలు

కర్నాటకలో ఘోర రోడ్డు ప్రమాదం జరిగింది. కుటుంబమంతా బర్త్‌ డే పార్టీకి హాజరై తిరిగి స్వగ్రామానికి బయలుదేరిన సమయంతో గుర్తు తెలియని వాహనం వారి కారును ఢీకొట్టింది.ఈ విషాద ఘటనలో నలుగురు మహిళలు సహా ఒకే కుటుంబానికి చెందిన ఐదుగురు మృత్యువాతపడ్డారు. మరో నలుగురు తీవ్రంగా గాయపడ్డారు. కర్నాటకలోని కొప్పల్‌ జిల్లా కుకనూరు తాలూకాలోని భాన్‌పురాలో శనివారం అర్ధరాత్రి దాటిన తర్వాత ఈ విషాద ఘటన చోటు చేసుకున్నది. మృతులను దేవప్ప కొప్పాడ (62), గిరిజమ్మ (45), పారవ్వ (32), శాంతమ్మ (22), కస్తూరమ్మగా గుర్తించారు. మరో నలుగురు తీవ్రంగా గాయపడ్డారు. కారును ఢీకొట్టిన వాహనం ఆచూకీ తెలియరాలేదు. సంఘటనా స్థలంలో వాహనానికి సంబంధించిన మడ్‌గార్డ్‌ను పోలీసులు స్వాధీనం చేసుకున్నారు. ఈ కేసు నమోదు చేసి దర్యాప్తు చేస్తున్నారు.