Delicious Twist in Democracy: ఓటు వేసిన వారికి.. ఉచితంగా పోహా, జిలేబీ పంపిణీ.. ఓటు హక్కు వినియోగించుకునేలా ప్రజలను ప్రొత్సహించేందుకు మధ్యప్రదేశ్‌ స్వీట్‌ షాపు యజమాని చొరవ.. వీడియో వైరల్

Bhopal, Nov 18: ఓటు హక్కు వినియోగించుకునేలా ప్రజలను ప్రొత్సహించేందుకు ఒక స్వీట్‌ షాపు యజమాని (Sweetshop Owner) చొరవచూపాడు. ఉదయం వేళ ఓటు వేసిన వారికి పోహా, జిలేబీని ఉచితంగా పంపిణీ చేశాడు. మధ్యప్రదేశ్‌లోని 230 అసెంబ్లీ స్థానాలకు శుక్రవారం పోలింగ్‌ జరిగింది. (Madhya Pradesh Assembly Polls) ఈ నేపథ్యంలో ఓటర్లను ఉత్సాహపరిచేందుకు ఇండోర్‌ కు చెందిన ఒక స్వీట్‌ షాప్‌ ఓనర్‌ ప్రయత్నించాడు. ఉదయం 6 గంటల నుంచి 9.30 గంటల మధ్య ఓటు హక్కు వినియోగించుకున్న వారికి పోహా (Poha), జిలేబీని ఉచితంగా పంపిణీ చేశాడు. వేలిపై సిరా మార్క్‌ చూపించిన వారికి వీటిని అందజేశాడు. ఎన్నికల్లో ఓటు హక్కు వినియోగించుకున్న వారు తమ బాధ్యతను చక్కగా నిర్వర్తించారని కొనియాడాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

Viral Video: బిచ్చగాడిని అడిగి మరీ చెప్పుతో కొట్టించుకున్న కాంగ్రెస్‌ అభ్యర్థి.. మధ్యప్రదేశ్‌ వీడియో వైరల్