PAN Cards Deactivation: 11.5 కోట్ల పాన్ కార్డులు డీ యాక్టివేట్.. ఆర్టీఐ విచారణలో వెలుగులోకి
ఆధార్ కార్డులతో అనుసంధానించని 11.5 కోట్ల పాన్ కార్డులను కేంద్రం డీ యాక్టివేట్ చేసింది. ఆర్టీఐ విచారణలో ఈ విషయం వెల్లడైంది. ‘ది హిందూ’ ప్రచురించిన కథనం ప్రకారం ఇండియాలో మొత్తం 70.24 కోట్ల పాన్ కార్డులుండగా అందులో 13 కోట్ల కార్డులు ఆధార్ తో లింక్ కాలేదు.
Newdelhi, Nov 10: ఆధార్ కార్డులతో (Aadhar Cards) అనుసంధానించని 11.5 కోట్ల పాన్ కార్డులను (PAN Cards) కేంద్రం డీ యాక్టివేట్ (Deactivate) చేసింది. ఆర్టీఐ విచారణలో ఈ విషయం వెల్లడైంది. ‘ది హిందూ’ ప్రచురించిన కథనం ప్రకారం ఇండియాలో మొత్తం 70.24 కోట్ల పాన్ కార్డులుండగా అందులో 13 కోట్ల కార్డులు ఆధార్ తో లింక్ కాలేదు. ఇందులో ఆధార్ కార్డులతో అనుసంధానించని 11.5 కోట్ల పాన్ కార్డులను కేంద్రం డీ యాక్టివేట్ చేసింది. 2017 జూలై 1 తర్వాత జారీ చేసిన పాన్ కార్డులు మాత్రం ఆటోమేటిగ్గా ఆధార్ తో లింక్ అవుతాయి. డీ యాక్టివేట్ అయిన కార్డులను రీ యాక్టివేట్ చేసుకోవడానికి కేంద్ర ప్రత్యక్ష పన్నుల బోర్డు రూ.1000 జరిమానాగా విధించింది. ఆర్టీఐ కార్యకర్త చంద్రశేఖర్ గౌర్ ఈ విషయాన్ని విమర్శించారు. కొత్త పాన్కార్డు పొందడానికి రూ.91 ఖర్చవుతున్నప్పుడు దానికి పది రెట్లు ఎక్కువ మొత్తాన్ని రీ యాక్టివేట్ కోసం కేంద్రం జరిమానాగా విధిస్తున్నదన్నారు.