Uttar Pradesh: వీడికి ఇదేం పోయేకాలం, 11000 వోల్ట్ హైటెన్షన్ విద్యుత్ తీగలపై పడుకుని స్టంట్లు చేసిన యువకుడు, నెట్టింట్లో వీడియో వైరల్

ఉత్తర ప్రదేశ్‌లోని అమారియా నగరానికి(Amaria town) చెందిన నౌషాద్ అనే వ్యక్తి 11000 వోల్ట్ హైటెన్షన్ విద్యుత్ తీగలపై పడుకుని.. వేలాడుతూ.. నడుస్తూ ప్రమాదభరిత స్టంట్లు చేశాడు. అది చూసి అక్కడున్న వారంతా భయంతో విద్యుత్ అధికారులకు ఫోన్ చేసి.. విషయాన్ని వివరించారు. అనంతరం విద్యుత్ తీగలపై నుంచి కిందకు రావాలని నౌషాద్‌ను కోరారు.

అతడు ఎంతకూ వినకపోవడంతో భవనంపైకి ఎక్కి.. అతడిని కిందకి దించేందుకు ప్రయత్నించారు. ఎట్టకేలకు నౌషాద్.. విద్యుత్ వైర్లను వీడాడు. కొద్ది రోజుల క్రితం నౌషాద్ జాబ్ పోయిందని.. అప్పటి నుంచి అతడి మానసిక స్థితి సరిగా లేదని స్థానికులు చెబుతున్నారు. ఇందుకు సంబంధించిన దృశ్యాలను కొందరు వీడియో తీసి, సోషల్ మీడియాలో పోస్ట్ చేయడంతో అదికాస్తా వైరల్‌గా(Viral in Social Media) మారింది.