David Miller Century: ప్రపంచకప్‌ 2023లో తొలి సెంచరీ నమోదు చేసిన డేవిడ్ మిల్లర్, వీరోచిత శతకంతో దక్షిణాఫ్రికాను ఆదుకున్న స్టార్ బ్యాటర్

ప్రపంచకప్‌-2023 రెండో సెమీ ఫైనల్‌.. కోల్‌కతాలోని ఈడెన్‌ గార్డెన్స్‌ వేదికగా సౌతాఫ్రికా,ఆస్ట్రేలియా తలపడుతున్నాయి. ఆస్ట్రేలియాతో జరుగుతున్న రెండో సెమీఫైనల్లో తొలుత బ్యాటింగ్‌ చేసిన దక్షిణాఫ్రికా నామమాత్రపు స్కోర్‌కే పరిమితమైంది. దక్షిణాఫ్రికా 49. 4 ఓవర్లలో 212 పరుగులకు ఆలౌటైంది. దక్షిణాఫ్రికా గౌరవప్రదమైన స్కోర్‌ సాధించడం‍లో డేవిడ్‌ మిల్లర్‌ కీలక​ పాత్ర పోషించాడు.మిల్లర్‌ వీరోచిత శతకంతో చెలరేగాడు. 116 బంతుల్లో 8 ఫోర్లు, 5 సిక్స్‌లతో 101 పరుగులు చేసి జట్టుకు ఫైటింగ్‌ స్కోర్‌ను అందించాడు. 24 పరుగులు 4 వికెట్లు కోల్పోయి కష్టాల్లో పడిన ప్రోటీస్‌ను మిల్లర్‌, క్లాసెన్‌(47) అదుకున్నారు. క్లాసెన్‌ ఔటైన తర్వాత మిల్లర్‌ పూర్తి బాధ్యతను తన భుజాన వేసుకున్నాడు. కాగా ప్రపంచకప్ 2023లో ఇది మిల్లర్ కు ఫస్ట్ సెంచరీ.

Here's News