World Cup 2023: భారత బౌలర్లకు ప్రత్యేక బంతులు ఇవ్వబట్టే వారు అలా చెలరేగిపోతున్నారు, సంచలన వ్యాఖ్యలు చేసిన పాక్ మాజీ ఆటగాడు హసన్‌ రజా

ప్రపంచకప్‌లో భారత బౌలర్లు ప్రతి మ్యాచ్ లో దుమ్మురేపుతున్న సంగతి విదితమే. ఈ నేపథ్యంలో ఐసీసీ, బీసీసీఐలపై పాకిస్తాన్‌ మాజీ ఆటగాడు హసన్‌ రజా సంచలన ఆరోపణలు చేశాడు. ప్రస్తుత ప్రపంచకప్‌లో భారత బౌలర్లకు ప్రత్యేక బంతులు ఇస్తున్నారంటూ నిరాధారమైన వ్యాఖ్యలు చేశాడు. ఇలా జరగడం వల్లే భారత పేసర్లు ఇతర బౌలర్లతో పోలిస్తే అధిక సీమ్‌ను, స్వింగ్‌ను రాబట్టగలుగుతున్నారని తెలిపాడు.ఈ విషయమై సమగ్ర తనిఖీలు జరగడంతో పాటు విస్తృత స్థాయి చర్చ జరగాలని కోరాడు. 1996-2005 మధ్యలో పాక్‌ తరఫున 7 టెస్ట్‌లు, 16 వన్డేలు ఆడిన హసన్‌ రజా.. అతిపిన్న వయసులో (14 ఏళ్ల 233 రోజులు) అంతర్జాతీయ క్రికెట్‌లోకి అరంగేట్రం చేసిన ఆటగాడిగా ప్రపంచ రికార్డు నెలకొల్పాడు. వీడియో ఇదిగో..

Here's Video