KL Rahul Donates Rs 31 Lakh: కెఎల్ రాహుల్ గొప్ప మనసు, యువ క్రీడాకారుడిని రక్షించుకునేందుకు రూ. 31 లక్షల విరాళం

భారత ఓపెనర్ KL రాహుల్ తన గొప్ప మనసు చాటుకున్నాడు. 11 ఏళ్ల వర్ధమాన క్రికెటర్‌ను రక్షించడానికి 31 లక్షల రూపాయలను విరాళంగా అందించాడు. ఆ మువ ఆటగాడికి అత్యవసర బోన్ మ్యారో ట్రాన్స్‌ప్లాంట్ (BMT) చేయాల్సి ఉంది. భీమా ఏజెంట్ అయిన వరద్ నలవాడే తండ్రి సచిన్ మరియు తల్లి స్వప్న ఝా తమ కుమారుడి చికిత్స కోసం ప్రచారాన్ని ప్రారభించారు. బతికించుకునేందుకు చేతులు చాచారు. వరద్ గురించి తెలిసిన వెంటనే రాహుల్ బృందం ప్రచారానికి సంబంధించిన సంస్థతో సంప్రదింపులు జరిపింది. వెంటనే రాహుల్ 31 లక్షల రూపాయలను అందిస్తున్నట్లు ప్రకటించాడు. ప్రస్తుతం బాలుడు ముంబైలోని జస్లోక్ ఆసుపత్రిలో హెమటాలజిస్టుల సంరక్షణలో ఉన్నాడు. బాలుడు అరుదైన రక్త రుగ్మత అయిన అప్లాస్టిక్ అనీమియాతో బాధపడుతున్నాడు.