‘Are They Hindus’: మహా కుంభమేళాకు వెళ్లని రాహుల్ గాంధీ, ఉద్ధవ్ ఠాక్రే హిందుత్వవాదులేనా? వారిని వెంటనే బహిష్కరించాలంటూ మండిపడిన బీజేపీ పార్టీ
మహాకుంభ్ కు హాజరుకాకపోవడం ద్వారా శివసేన (యుబిటి) చీఫ్ ఉద్ధవ్ థాకరే, కాంగ్రెస్ నాయకుడు రాహుల్ గాంధీ హిందూ సమాజాన్ని 'అవమానించారని' కేంద్ర మంత్రి రాందాస్ అథవాలే బుధవారం ఆరోపించారు. హిందూ ఓటర్లు వారిని బహిష్కరించాలని కోరారు.
New Delhi, Feb 27: మహాకుంభ్ కు హాజరుకాకపోవడం ద్వారా శివసేన (యుబిటి) చీఫ్ ఉద్ధవ్ థాకరే, కాంగ్రెస్ నాయకుడు రాహుల్ గాంధీ హిందూ సమాజాన్ని 'అవమానించారని' కేంద్ర మంత్రి రాందాస్ అథవాలే బుధవారం ఆరోపించారు. హిందూ ఓటర్లు వారిని బహిష్కరించాలని కోరారు.
మహారాష్ట్రకు చెందిన కీలక దళిత నాయకుడు, బిజెపి మిత్రపక్షం అయిన అథవాలే, ప్రయాగ్రాజ్లో జరుగుతున్న కుంభమేళాలో థాకరే పాల్గొనకుండా హిందూత్వాన్ని అవమానించారని విమర్శించారు. "ఠాక్రే హిందూత్వం గురించి మాట్లాడుతాడు కానీ ప్రయాగ్రాజ్లో జరుగుతున్న కుంభమేళాలో పాల్గొనలేదు" అని అథవాలే అన్నారు.ఇటీవల జరిగిన ఎన్నికల్లో హిందూ ఓటర్లు ఈ నాయకులకు గుణపాఠం నేర్పించారని, నవంబర్ 2024 మహారాష్ట్ర అసెంబ్లీ ఎన్నికలను ప్రస్తావిస్తూ ఆయన అన్నారు.
తాము ‘హిందుత్వవాదులం’ (Hindutvavadis) అని చెప్పుకునే వీరిద్దరూ కుంభమేళాకు హాజరుకాలేదంటూ మహారాష్ట్ర డిప్యూటీ సీఎం ఏక్నాథ్ షిండే (Eknath Shinde) వ్యాఖ్యానించారు. ‘వారు (రాహుల్, ఉద్ధవ్ ఠాక్రేని ఉద్దేశిస్తూ) తమను తాము హిందుత్వవాదులమని చెప్పుకుంటారు. కానీ ఇంతపెత్త ఆధ్యాత్మిక కార్యక్రమం కుంభమేళాకు వెళ్లలేదు. వారు చెప్పే మాటలకు చేసే చేష్టలకు చాలా వ్యత్యాసం ఉంది. 65 కోట్ల మందికిపైగా హిందువులు ప్రయాగ్రాజ్వెళ్లారు.. కానీ వారు మాత్రం వెళ్లలేదు’ అంటూ షిండే పేర్కొన్నారు.
కేంద్ర మంత్రి గిరిరాజ్ సింగ్ కూడా రాహుల్, ఠాక్రేలను తీవ్రంగా విమర్శించారు. హిందుత్వ సిద్ధాంతాలను విమర్శించే కాంగ్రెస్తో పొత్తు పెట్టుకున్న విషయాన్ని ప్రస్తావిస్తూ.. ఠాక్రేపై నిప్పులు చెరిగారు. ఆయన ఇప్పుడు (వీర్) సావర్కర్ ప్రత్యర్థులతో కలిసి నడుస్తున్నారంటూ వ్యాఖ్యానించారు. జనవరి 13న ప్రారంభమై 45 రోజుల పాటు జరిగిన ఈ మేళాలో 66.21 కోట్ల మందికి పైగా పాల్గొని పుణ్య స్నానాలు చేశారు. ఇక ఆఖరి రోజు1.44 కోట్ల మందికి పైగా భక్తులు హాజరైనట్టు అంచనా. ప్రపంచంలోనే అతి పెద్ద ఆధ్యాత్మిక ఉత్సవంగా ఇది రికార్డులకెక్కింది.ఇంత పెద్ద కార్యక్రమానికి ప్రధాన ప్రతిపక్షనేతగా ఉన్న రాహుల్ గాంధీ హాజరుకాకపోవడంపై అన్ని వర్గాల నుంచి విమర్శలు వెల్లువెత్తుతున్నాయి.
మహాకుంభమేళాలో ఆరు ప్రత్యేక స్నాన తేదీలు ఉన్నాయి - జనవరి 13న పౌష్య పూర్ణిమ, జనవరి 14న మకర సంక్రాంతి, జనవరి 29న మౌని అమావాస్య, ఫిబ్రవరి 3న వసంత పంచమి, ఫిబ్రవరి 12న మాఘి పూర్ణిమ, ఫిబ్రవరి 26న మహాశివరాత్రి - వీటిలో మూడు 'అమృత స్నానాలు' ఉన్నాయి.
(The above story first appeared on LatestLY on Feb 27, 2025 04:48 PM IST. For more news and updates on politics, world, sports, entertainment and lifestyle, log on to our website latestly.com).
