LSG vs DC: డేవిడ్ వార్నర్ మెరుపులు వృథా, 5 వికెట్లతో ఢిల్లీ బ్యాటర్ల భరతం పట్టిన మార్క్వుడ్, 50 పరుగుల తేడాతో లక్నో ఘన విజయం
ఐపీఎల్ 16వ సీజన్లో లక్నో సూపర్ జెయింట్స్ బోణీ చేసింది. డిల్లీ క్యాపిటల్స్తో జరిగిన మ్యాచ్లో లక్నో 50 పరుగుల తేడాతో విజయాన్ని అందుకుంది. 194 పరుగుల లక్ష్యంతో బరిలోకి దిగిన ఢిల్లీ క్యాపిటల్స్ నిర్ణీత 20 ఓవర్లలో 9 వికెట్ల నష్టానికి 144 పరుగులు చేసింది.
ఐపీఎల్ 16వ సీజన్లో లక్నో సూపర్ జెయింట్స్ బోణీ చేసింది. డిల్లీ క్యాపిటల్స్తో జరిగిన మ్యాచ్లో లక్నో 50 పరుగుల తేడాతో విజయాన్ని అందుకుంది. 194 పరుగుల లక్ష్యంతో బరిలోకి దిగిన ఢిల్లీ క్యాపిటల్స్ నిర్ణీత 20 ఓవర్లలో 9 వికెట్ల నష్టానికి 144 పరుగులు చేసింది. డేవిడ్ వార్నర్ 56 పరుగులతో టాప్ స్కోరర్గా నిలిచాడు. రిలీ రొసౌ 30 పరుగులు చేశాడు. అక్షర్ పటేల్ 16 పరుగులు చేసి ఔటయ్యాడు. లక్నో బౌలర్లలో మార్క్ వుడ్ ఐదు వికెట్లతో చెలరేగగా.. ఆవేశ్ ఖాన్, రవి బిష్ణోయ్లు చెరో రెండు వికెట్లు తీశారు.
అంతకుముందు తొలుత బ్యాటింగ్ చేసిన లక్నో సూపర్జెయింట్స్ కైల్ మేయర్స్ మెరుపులతో నిర్ణీత 20 ఓవర్లలో ఐదు వికెట్ల నష్టానికి 193 పరుగులు చేసింది. ఓపెనర్ కైల్ మేయర్స్ 38 బంతుల్లోనే 73 పరుగులతో విధ్వంసం సృష్టించాడు. నికోలస్ పూరన్ 36 పరుగులతో రాణించాడు. చివర్లో ఆయుష్ బదోని ఏడు బంతుల్లో రెండు సిక్సర్లు, ఒక ఫోర్ సాయంతో 18 పరుగులు చేసి ఔటయ్యాడు. ఢిల్లీ బౌలర్లలో ఖలీల్ అహ్మద్, చేతన్ సకారియాలు చెరో రెండు వికెట్లు తీయగా.. అక్షర్ పటేల్, కుల్దీప్ యాదవ్లు తలా ఒక వికెట్ తీశారు.