Saudi Arabia Road Accident: హజ్‌‌యాత్ర‌కు తిరిగిరానిలోకాలకు, సౌదీ అరేబియాలో ఘోర బస్సు ప్రమాదం, 20 మంది మృతి, మరో 20 మందికి గాయాలు

సౌదీ అరేబియాలో ఘోర బస్సు ప్రమాదం (Bus accident) చోటు చేసుకుంది.హజ్‌‌యాత్ర (hajj yatra)కు వెళ్తున్న యాత్రికులతో బస్సు ప్రమాదానికి గురైంది. సౌదీ అరేబియాలోని అసిర్‌ ప్రావిన్స్‌ (province of Asir) లోగల అకాబత్‌ షార్‌ రహదారిపై సోమవారం సాయంత్రం 4 గంటల ప్రాంతంలో యాత్రికుల బస్సు ఖమీస్‌ ముషైత్‌ నుంచి అభాకు వెళ్తోంది.

ఆ సమయంలో బస్సు బ్రేక్‌ ఫెయిల్‌ అవ్వడంతో డివైడర్‌ను ఢీ కొట్టి బోల్తాపడింది. దీంతో ఒక్కసారిగా బస్సులో మంటలు చెలరేగాయి. ఈ దుర్ఘటనలో 20 మంది యాత్రికులు ప్రాణాలు కోల్పోయారు. మరో 29 మంది గాయపడ్డారు. సమాచారం అందుకున్న సివిల్ డిఫెన్స్ , సౌదీ రెడ్ క్రెసెంట్ అథారిటీ బృందాలు ఘటనాస్థలికి చేరుకుని సహాచక చర్యలు చేపట్టాయి. క్షతగాత్రులను చికిత్స నిమిత్తం వెంటనే సమీపంలోని ఆసుపత్రులకు తరలించారు.

Here's Update