COVID19 Curfew Extended in AP: ఆంధ్రప్రదేశ్లో రాత్రి కర్ఫ్యూ పొడిగిస్తూ రాష్ట్ర ప్రభుత్వం నిర్ణయం, ఆగస్టు 14 వరకూ కర్ఫ్యూను పొడిగిస్తూ ఉత్తర్వులు
రాష్ట్రంలోని 13 జిల్లాల్లో ప్రతిరోజూ రాత్రి 10 గంటల నుంచి మరుసటి రోజు ఉదయం 6 గంటల వరకు కర్ఫ్యూ అమలులో ఉంటుంది. మాస్కులు ధరించకుండా బయటకు వచ్చే వారికి 100 రూపాయల జరిమానా విధించే అధికారాన్ని సబ్ ఇన్స్పెక్టర్లతో సహా పోలీసు అధికారులకు అప్పగించాలని ప్రభుత్వం ఆదేశాలు జారీ చేసింది....
Amaravathi, July 30: కోవిడ్ ముప్పు ఇంకా కొనసాగుతున్న దృష్ట్యా ముఖ్యమంత్రి వైఎస్ జగన్ మోహన్ రెడ్డి నేతృత్వంలోని ఆంధ్రప్రదేశ్ ప్రభుత్వం కీలక నిర్ణయం తీసుకుంది మరియు రాత్రి కర్ఫ్యూను మరో రెండు వారాల పాటు పొడిగించింది. ఆగస్టు 14 వరకు కర్ఫ్యూ అమల్లో ఉంటుంది. ఎవరైనా కోవిడ్ నిబంధనలను ఉల్లంఘిస్తే కఠినమైన చర్యలు తీసుకుంటామని ప్రభుత్వం హెచ్చరించింది మరియు ప్రతి ఒక్కరూ కోవిడ్ ప్రోటోకాల్స్కు కట్టుబడి ఉండాలని సూచించారు.
కార్యాలయాలు, కంపెనీలు, షాపింగ్ మాల్లు మరియు దుకాణాలలో మాస్క్లు ధరించని వారికి రూ. 10,000 నుండి రూ. 20,000 వరకు జరిమానా విధించబడుతుందని ప్రభుత్వం తెలిపింది. జరిమానా ఎంతనేది అక్కడి పరిస్థితుల ఆధారంగా నిర్ణయించబడుతుందని, అవసరమైతే సంబంధిత కంపెనీని కొన్ని రోజులు మూసివేసేందుకు కూడా చర్యలు తీసుకోబడతాయని అధికారులు వెల్లడించారు.
రాష్ట్రంలోని 13 జిల్లాల్లో ప్రతిరోజూ రాత్రి 10 గంటల నుంచి మరుసటి రోజు ఉదయం 6 గంటల వరకు కర్ఫ్యూ అమలులో ఉంటుంది. మాస్కులు ధరించకుండా బయటకు వచ్చే వారికి 100 రూపాయల జరిమానా విధించే అధికారాన్ని సబ్ ఇన్స్పెక్టర్లతో సహా పోలీసు అధికారులకు అప్పగించాలని ప్రభుత్వం ఆదేశాలు జారీ చేసింది. ఈ మేరకు అన్ని జిల్లాల కలెక్టర్లు, ఎస్పీలకు ఆదేశాలు వెళ్లాయి.
ఇదిలా ఉంటే, ఆంధ్రప్రదేశ్ రాష్ట్రంలో రోజూవారీ కోవిడ్ కేసులు సుమారుగా 2 వేల చొప్పున నమోదవుతున్నాయి. గురువారం 2,107 కేసులు రాగా, ఆక్టివ్ కేసుల సంఖ్య 21,279కు చేరుకుంది.