Pythons Cures Heart Diseases: గుండెజబ్బులను నయం చేయడానికి పైథాన్ లు సాయపడుతాయ్.. శాస్త్రవేత్తల తాజా అధ్యయనం
కార్డియాక్ ఫైబ్రోసిస్ వంటి గుండెజబ్బులు ఇటీవలి కాలంలో పెరిగిపోయాయి. అయితే, ఇలాంటి జబ్బులను నయం చేయడానికి పైథాన్లు ఉపయోగపడవచ్చని శాస్త్రవేత్తల తాజా అధ్యయనం ఒకటి అంచనా వేసింది.
Newdelhi, Aug 23: కార్డియాక్ ఫైబ్రోసిస్ వంటి గుండెజబ్బులు (Heart Diseases) ఇటీవలి కాలంలో పెరిగిపోయాయి. అయితే, ఇలాంటి జబ్బులను నయం చేయడానికి పైథాన్లు (Pythons) ఉపయోగపడవచ్చని శాస్త్రవేత్తల తాజా అధ్యయనం ఒకటి అంచనా వేసింది. బౌల్డర్ లోని కొలరాడో యూనివర్సిటీకి చెందిన శాస్త్రవేత్తలు ఈ అధ్యయనం చేశారు. పరిశోధనలో భాగంగా ఒక పైథాన్ కు 28 రోజుల పాటు ఆహారం ఏమీ ఇవ్వకుండా ఉంచారు. తర్వాత దాని శరీర బరువులో పావు వంతు బరువైన ఆహారాన్ని అందించారు. ఇలా ఆహారాన్ని ఇచ్చినప్పుడు మిగతా పాముల కంటే ఈ పాము శరీరంలో గణనీయ మార్పులు వచ్చినట్టు శాస్త్రవేత్తలు గుర్తించారు. పాము గుండె ధృడంగా మారిందని, పల్స్ రెట్టింపు అయ్యిందని తేల్చారు. ఈ ప్రక్రియలో అనేక ప్రత్యేకమైన జన్యువులు ఉత్తేజితమై పాములో జీవక్రియను పెంచినట్టు శాస్త్రవేత్తలు పేర్కొన్నారు. దీంతో మనుషుల్లో కార్డియాక్ ఫైబ్రోసిస్ వంటి గుండె సమస్యలు వచ్చినప్పుడు ఆ చికిత్సలో పైథాన్ లు ఉపయోగపడే అవకాశాలు ఉన్నాయని శాస్త్రవేత్తలు తెలిపారు.
ఈ పైథాన్ లపైనే అధ్యయనం ఎందుకు?
మిగతా సరీసృపాలతో పోలిస్తే, పైథాన్ ల ఆహరశైలి భిన్నమైనది. ఆహారం లేకుండా కొన్ని నెలల పాటు ఇవి ఉండగలవని, ఒక్కోసారి ఏడాది వరకు కూడా ఉంటాయని శాస్త్రవేత్తలు చెప్తారు. అయితే, ఆహారం దొరికినప్పుడు మాత్రం తమ శరీర బరువు కంటే ఎక్కువ ఆహారాన్ని ఈ పైథాన్ లు తింటాయని వెల్లడించారు. ఈ స్థాయిలో ఆహారం తీసుకున్నప్పటికీ, వీటికి, వీటి గుండెకు ఎలాంటి నష్టం జరగదని అన్నారు. అన్డుజే వీటిపై అధ్యయనం చేసినట్టు వివరించారు.
దక్షిణ ఈయూ దేశాలను వణికిస్తున్న ‘గోట్ ప్లేగ్’ వ్యాధి.. మనుషులకు సోకే ప్రమాదం ఉందా??