Posani Shocking Comments: కొండా సురేఖ వ్య‌వ‌హారంలో బాలకృష్ణ ఎందుకు స్పందించ‌లేదు! పోసాని కృష్ణ‌ముర‌ళీ కీల‌క కామెంట్లు..నా విష‌యంలో ఒక న్యాయం, వాళ్ల‌కో న్యాయ‌మా?
గతంలో పవన్ మీద వాఖ్యలు చేస్తే స్పందించని నోర్లు అని నాకు ఆపాదిస్తున్నారని, నిన్న ఒకడు నన్ను కత్తితో పొడుస్తా అన్నాడని ఆయన చెప్పారు.
Hyderabad, OCT 04: అక్కినేని నాగార్జున కుటుంబం – తెలంగాణ మంత్రి కొండా సురేఖ (Konda Surekha) మధ్య వివాదంపై పోసాని కృష్ణమురళి (Posani Krishnamurthy) స్పందించారు. గతంలో పవన్ మీద వాఖ్యలు చేస్తే స్పందించని నోర్లు అని నాకు ఆపాదిస్తున్నారని, నిన్న ఒకడు నన్ను కత్తితో పొడుస్తా అన్నాడని ఆయన చెప్పారు. నేను పవన్‌ను గతంలో తిట్టినట్లు చూపిస్తే నేను లైవ్‌లో గొంతు కోసుకుని చనిపోతానని పోసాని (Posani) అన్నారు. గతంలో పవన్, చంద్రబాబు కుటుంబం తిట్టుకున్నారని, నా కుటుంబాన్ని పవన్ అభిమానులే అమ్మనా బూతులు తిట్టించారని చెప్పారు. అప్పుడు నన్ను నా కుటుంబాన్ని తిట్టినందుకు ఎవరు నాకు మద్దతు తెలుపలేదన్నారు. సినిమా ఇండస్ట్రీ పరువు కోసం ప్రతిసారి తాను ముందుకు వచ్చానని, సినిమా కళామతల్లి తన కన్న తల్లి అని చెప్పారు. ప్రతిసారి న్యాయం వైపే ఉంటానని అన్నారు.
నాగార్జున కుటుంబం మీద జరిగిన మాటల దాడిని సినిమా ఇండస్ట్రీలో ప్రతి ఒక్కరు ఖండించారని, కానీ బాలకృష్ణ కుటుంబం మాత్రం ఖండించలేదని పోసాని అన్నారు. ‘ఆడపిల్లలకు కడుపు ఐనా చేయాలి.. ముద్దు ఐనా పెట్టాలి’ అని చెప్పిన బాలకృష్ణ నుంచి మనం క్షమాపణ కోరుకోగలమా..? అని ప్రశ్నించారు. చివరగా.. కొండా సురేఖ గారు జెంటిల్ మెన్ నాగార్జున కుటుంబానికి క్షమాపణ చెప్పాలని డిమాండ్ చేశారు.