Sikkim Road Accident: సిక్కింలో ఆర్మీ వాహనం బోల్తా, లోయలో జారిపడ్డ వాహనం, నలుగురు జవాన్లు దుర్మరణం
సిక్కిం పాక్యోంగ్ జిల్లాలో గురువారం జరిగిన రోడ్డు ప్రమాదంలో నలుగురు భారత ఆర్మీ జవాన్లు ప్రాణాలు కోల్పోయారు. జవాన్లు పశ్చిమ బెంగాల్లోని పెడాంగ్ నుంచి సిల్క్ రూట్ మీదుగా జులుక్కు వెళ్తున్నారని పోలీసులు తెలిపారు. పశ్చిమ బెంగాల్లోని బిన్నగురిలో పోస్ట్ చేసిన ఆర్మీ ఈఎంసీ సిబ్బందిని తీసుకువెళుతున్న వాహనం రోడ్డుపై నుంచి జారి కింద ఉన్న అడవిలో పడిపోయిందని అధికారులు తెలిపారు.
Sikkim, SEP 05: సిక్కిం పాక్యోంగ్ జిల్లాలో గురువారం జరిగిన రోడ్డు ప్రమాదంలో (Sikkim Accident) నలుగురు భారత ఆర్మీ జవాన్లు (Jawans Die) ప్రాణాలు కోల్పోయారు. జవాన్లు పశ్చిమ బెంగాల్లోని పెడాంగ్ నుంచి సిల్క్ రూట్ మీదుగా జులుక్కు వెళ్తున్నారని పోలీసులు తెలిపారు. పశ్చిమ బెంగాల్లోని బిన్నగురిలో పోస్ట్ చేసిన ఆర్మీ ఈఎంసీ (EMC) సిబ్బందిని తీసుకువెళుతున్న వాహనం రెనోక్-రోంగ్లీ హైవేపై నిలువు వంపులో రోడ్డుపై నుంచి జారి కింద ఉన్న అడవిలో పడిపోయిందని పోలీసు అధికారులు తెలిపారు.
Here's Photos
ఈ సమయంలో వాహనంలో నలుగురు ఉన్నారని, వారంతా అక్కడికక్కడే మృతి చెందారని పోలీసులు తెలిపారు. మృతులను మధ్యప్రదేశ్కు చెందిన సిపాయి ప్రదీప్ పటేల్, ఇంఫాల్కు చెందిన సీఎఫ్ఎన్ పీటర్, హర్యానాకు చెందిన నాయక్ గుర్సేవ్ సింగ్, తమిళనాడుకు చెందిన సుబేదార్ కే తంగపాండిగా గుర్తించారు.
ఘటనపై విచారణ జరుపుతున్నామని పోలీసులు తెలిపారు. సైనికుల మృతదేహాలను సైన్యానికి అప్పగించినట్లు పోలీసులు తెలిపారు.