PM Modi Tamil Nadu Tour: తమిళనాడు రాష్ట్రాన్ని పొగడ్తలతో ముంచెత్తిన ప్రధాని మోదీ,భారతీయ యువతపై ఆయన ఏమన్నారంటే..
ప్రధాని మోదీ తమిళనాడు పర్యటనలో భాగంగా తిరుచ్చిరాపల్లిలో ఉన్న భారతీదాసన్ విశ్వవిద్యాలయం స్నాతకోత్సవంలో మోదీ ముఖ్య అతిథిగా పాల్గొన్నారు.ప్రధాని మోదీకి అక్కడి ముఖ్యమంత్రి ఎంకే స్టాలిన్, గవర్నర్ ఆర్ఎన్ రవి స్వాగతం పలికారు.
Chennai, Jan 2: ప్రధాని మోదీ తమిళనాడు పర్యటనలో భాగంగా తిరుచ్చిరాపల్లిలో ఉన్న భారతీదాసన్ విశ్వవిద్యాలయం స్నాతకోత్సవంలో మోదీ ముఖ్య అతిథిగా పాల్గొన్నారు.ప్రధాని మోదీకి అక్కడి ముఖ్యమంత్రి ఎంకే స్టాలిన్, గవర్నర్ ఆర్ఎన్ రవి స్వాగతం పలికారు. తమిళనాడులోని తిరుచిరాపల్లిలో రూ. 20,000 కోట్ల కంటే ఎక్కువ విలువైన బహుళ అభివృద్ధి ప్రాజెక్టులకు ప్రధానమంత్రి నరేంద్ర మోదీ ప్రారంభోత్సవం, శంకుస్థాపన చేశారు. ఈ సందర్భంగా భారతీదాసన్ యూనివర్సిటీ(Bharathidasan University) 38వ స్నాతకోత్సవంలో పాల్గొన్న ప్రధాని విద్యార్థులను ఉద్దేశించి ప్రసంగించారు.
నేను ఈ సంవత్సరం కావాలని కోరుకుంటున్నాను. 2024 అందరికీ శాంతియుతంగా మరియు సంపన్నమైనది. 2024లో నా మొదటి ప్రజాహిత కార్యక్రమం తమిళనాడులో జరగడం విశేషం. నేడు దాదాపు రూ. 20,000 కోట్ల విలువైన అభివృద్ధి ప్రాజెక్టులు తమిళనాడు పురోగతిని బలోపేతం చేస్తాయి. ఈ ప్రాజెక్ట్‌లకు నేను మిమ్మల్ని అభినందిస్తున్నానని తెలిపారు.
భారతీయ యువత తమ నైపుణ్యాలతో కొత్త ప్రపంచాన్ని సృష్టిస్తోందని ప్రధాని మోదీ (PM Modi) అన్నారు. చంద్రయాన్‌ వంటి ప్రయోగాలతో మన శాస్త్రవేత్తలు భారత్‌ సత్తాను ప్రపంచానికి చాటారని ప్రశంసించారు. యువత ధైర్యవంతమైన సరికొత్త ప్రపంచాన్ని సృష్టించాలనే నినాదంతో భారతీదాసన్ విశ్వవిద్యాలయాన్ని స్థాపించారు. ప్రస్తుతం దేశ యువత అదే పనిలో నిమగ్నమై ఉంది. యువత అంటేనే శక్తికి నిదర్శనం. నైపుణ్యంతో వేగంగా పనిచేయడం వారికున్న సామర్థ్యం. దేశాభివృద్ధిని ఉన్నత శిఖరాలకు తీసుకెళ్లేందుకు యువతకు ఇది మంచి సమయం. మారుతున్న ప్రపంచానికి అనుగుణంగా.. నైపుణ్యాలను పెంచుకుంటూ.. కొత్త విషయాలను నేర్చుకుంటూ ముందుకు సాగాలి’’ అని యువతకు మోదీ సూచించారు.
2014లో భారత్‌ నాలుగు వేల ఆవిష్కరణలకు పేటెంట్లు పొందితే.. ప్రస్తుతం ఆ సంఖ్య 50 వేలకు చేరిందని ప్రధాని తెలిపారు. చంద్రయాన్‌ వంటి ప్రయోగాలతో భారత శాస్త్రవేత్తలు ప్రపంచవ్యాప్తంగా గుర్తింపు పొందారని, మునుపెన్నడూ లేని విధంగా శాస్త్రవేత్తలు భారత ప్రతిభను ప్రపంచానికి చాటి చెబుతున్నారని ప్రశంసించారు. భారతీయ కళాకారులు, సంగీతకారులు ఎన్నో ప్రతిష్ఠాత్మక అంతర్జాతీయ అవార్డులను గెలుచుకున్నారని తెలిపారు.
గత 10 సంవత్సరాలలో విమానాశ్రయాల సంఖ్య 74 నుంచి దాదాపు 150కి రెట్టింపు అయ్యిందన్నారు. తమిళనాడు(tamilnadu) ఒక శక్తివంతమైన తీరప్రాంతాన్ని కలిగి ఉందన్నారు. దీంతోపాటు ప్రధాన ఓడరేవుల మొత్తం కార్గో హ్యాండ్లింగ్ సామర్థ్యం 2014 నుంచి రెండింతలు పెరిగిందని ప్రధాని తెలిపారు.
1982లో ప్రస్తుతం ఉన్న పలు ప్రతిష్టాత్మక కళాశాలలను భారతీదాసన్ యూనివర్సిటీ పరిధిలోకి తీసుకొచ్చామని మోదీ(Modi) అన్నారు. ఇది పరిణతి చెందిన పునాదిపై ప్రారంభమైందని.. మానవత్వం, భాష, సైన్స్ వంటి అనేక రంగాలలో ఈ విశ్వవిద్యాలయాన్ని ప్రధానమైనదిగా చేసినట్లు చెప్పారు. మన దేశం, నాగరికత ఎల్లప్పుడూ జ్ఞానంపై దృష్టి సారించిందని ప్రధాని గుర్తు చేశారు.
అంతేకాదు గతంలో నలంద, తక్షశిల వంటి మన ప్రాచీన విశ్వవిద్యాలయాల గురించి కూడా ప్రస్తావించారు. దీంతోపాటు కాంచీపురం, గంగైకొండ, చోళపురం, మదురై ప్రాంతాలు అప్పట్లో గొప్ప విద్యా కేంద్రాలుగా ఉన్నాయని గుర్తు చేశారు. ప్రపంచం నలుమూలల నుంచి అనేక మంది విద్యార్థులు ఇక్కడకి వచ్చి విద్యనభ్యసించే వారని వెల్లడించారు.