Penis Cancer: వామ్మో చాపకింద నీరులా పెరిగిపోతున్న పురుషాంగ క్యాన్సర్ కేసులు.. 50 ఏండ్లు పైబడినవారే ఎక్కువ.. జాగ్రత్త!
మొన్నటివరకూ మగవారిలో అరుదుగా కనిపించే పురుషాంగ క్యాన్సర్ కేసులు ఇటీవలి కాలంలో చాలా పెరుగుతున్నాయి.
Newdelhi, July 7: క్యాన్సర్ (Cancer) మహమ్మారి మానవాళికి పెనుముప్పుగా మారింది. మొన్నటివరకూ మగవారిలో అరుదుగా కనిపించే పురుషాంగ క్యాన్సర్ (Penis Cancer) కేసులు ఇటీవలి కాలంలో చాలా పెరుగుతున్నాయి. ముఖ్యంగా ఐరోపా, అమెరికాలో ఈ కేసుల తీవ్రత మరింత ఎక్కువగా ఉన్నట్టు శాస్త్రవేత్తలు ఆందోళన వ్యక్తం చేస్తున్నారు. ఇది ఇలాగే కొనసాగితే, 2050 నాటికి పురుషాంగ క్యాన్సర్ కేసుల్లో పెరుగుదల 77 శాతంగా ఉండొచ్చని అంచనా వేస్తున్నారు. 50 ఏండ్లు పైబడినవారిలో ఎక్కువగా ఈ క్యాన్సర్ తరహా క్యాన్సర్ కేసులు కనిపిస్తాయన్నారు.
ఎలా వస్తుంది? చికిత్స ఏంటి?
పురుషాంగం ముందటి చర్మం అపరిశుభ్రంగా ఉండటం, ధూమపానం తదితర కారణాల వల్ల ఈ క్యాన్సర్ వస్తుంటుంది. కీమోథెరపీ, రేడియో థెరపీ లేదా లేజర్‌ ట్రీట్మెంట్‌ సాయంతో ఈ క్యాన్సర్‌ను కొంత వరకు కట్టడి చేయవచ్చని పరిశోధకులు చెప్తున్నారు.