Viral Video: రైలులో మహిళ పర్సు చోరీ.. కిటికీకి దొంగ వేలాడదీత.. వైరల్ వీడియో
కటిహార్‌ నుంచి సమస్తిపుర్‌ వెళ్తున్న రైలులో ఓ మహిళ పర్సును ఓ దొంగ చోరీ చేశాడు. అయితే
Patna, Sep 4: బీహార్ (Bihar) లోని బెగూసరాయ్‌ (Begusarai) జిల్లా పరిధిలో శనివారం అనూహ్య ఘటన చోటుచేసుకుంది. కటిహార్‌ నుంచి సమస్తిపుర్‌ వెళ్తున్న రైలులో (Train) ఓ మహిళ పర్సును ఓ దొంగ చోరీ చేశాడు. అయితే, కిటికీ ఊచలు పట్టుకొని వేలాడుతూ దూకేందుకు ప్రయత్నిస్తున్న దొంగను మిగతా ప్రయాణికులు గుర్తించారు. వెంటనే లోపల్నుంచి ఆ యువకుడి చేతులు గట్టిగా పట్టుకున్నారు. రైలు ఒక్కసారిగా కదిలింది. అంతే, దీంతో దొంగ కొన్ని కిలోమీటర్లు అలాగే వేలాడుతూ ప్రయాణించాల్సి వచ్చింది.
అనంతరం కాసేపటి తర్వాత.. బచ్వారా జంక్షనులో రైలు ఆగింది. ప్రయాణికులు ఆ దొంగను కానిస్టేబుల్‌ కు అప్పగించారు. రైలు కిటికీకి దొంగ వేలాడుతున్న వీడియో సామాజిక మాధ్యమాల్లో వైరల్ గా మారింది. మీరూ చూసేయండి.