UP Nurse Grabs Woman Patient: మహిళా రోగిని జుట్టుపట్టుకొని లాక్కొచ్చి పడేసిన నర్సు, ఉత్తరప్రదేశ్‌ ఆస్పత్రిలో ఘటన, వైరల్‌గా మారిన వీడియో, నర్సు తీరుపై సర్వత్రా విమర్శలు

Sitapur, OCT 28: ఉత్తరప్రదేశ్‌లోని ప్రభుత్వ ఆస్పత్రిలో (UP Hospital) దారుణం జరిగింది. ఓ మహిళా రోగి పట్ల నర్సు దురుసుగా ప్రవర్తించారు. మహిళా రోగి జుట్టు పట్టుకుని బెడ్‌పైకి తోసింది. వివరాళ్లోకి వెళ్తే.. ఈ నెల 18న మహిళా రోగిని సీతాపూర్ జిల్లా ఆస్పత్రిలో (Sitapur district hospital) అడ్మిట్‌ చేశారు. ఆమె కుటుంబ సభ్యులు లేని సమయంలో మహిళ పట్ల నర్సు దురుసుగా ప్రవర్తించారు. ఆమె జుట్టు పట్టుకుని బెడ్‌పైకి తోశారు. ఈ వీడియో సోషల్‌ మీడియాలో వైరల్‌ (Viral Video) అయ్యింది. మహిళా రోగి పట్ల నర్సు ప్రవర్తించిన తీరుపై సర్వత్రా విమర్శలు వెల్లువెత్తాయి. అయితే చీఫ్‌ మెడికల్‌ ఆఫీసర్‌ డాక్టర్ ఆర్కే సింగ్ ఈ చర్యను సమర్థించారు. అర్ధరాత్రి వేళ మహిళా రోగి వింతగా ప్రవర్తించిందని పేర్కొన్నారు. దీంతో ఆమెను నియంత్రించేందుకు నర్సులు అలా చేయాల్సి వచ్చిందన్నారు. ఆమెకు ఇంజక్షన్‌ ఇచ్చిన తర్వాత సాధారణ స్థితికి వచ్చిందని చెప్పారు. అనంతరం మహిళను డిశ్చార్జ్‌ చేసినట్లు వెల్లడించారు.