Maha Kumbh Mela 2025: అంతరిక్షం నుండి మహా కుంభమేళా ఫోటోలు షేర్ చేసిన ఇస్రో.. సముద్రాన్ని తలపించేలా వచ్చిన జనం, ఫోటోలు ఇవిగో

మహా కుంభమేళా 2025 అంగరంగ వైభవంగా జరుగుతోంది. 45 రోజుల పాటు ఉత్తరప్రదేశ్‌లోని ప్రయాగ్‌రాజ్‌ (Prayagraj) వేదికగా జరిగే ఈ మహా కుంభమేళా (Maha Kumbh)కు భక్తులు పోటెత్తుతున్నారు. ఫిబ్రవ‌రి 26వ తేదీన మ‌హాశివ‌రాత్రితో మహా కుంభమేళ ముగియనుంది.

ప్రపంచం నలుమూలల నుంచి త్రివేణి సంగమంకు భక్తులు తరలివస్తున్నారు. ఇప్పటివరకు 9 కోట్ల మందికి పైగా భక్తులు పుణ్య స్నానాలు ఆచరించారు. రికార్డు స్థాయిలో భక్తులు తరలివస్తుండగా ఈ కుంభమేళాకు సంబంధించిన ఫోటోలను షేర్ చేసింది ఇస్రో (ISRO).

స్పేస్‌ సెంటర్‌ నుంచి కుంభమేళా ఏరియాను ఉపగ్రహాలు తీసిన ఫొటోలను సోషల్‌ మీడియా వేదికగా షేర్ చేసింది. ఆ ఫొటోల్లో గతేడాది ఏప్రిల్‌లో మహాకుంభ మేళా ప్రాంతం మొత్తం నిర్మానుష్యంగా కనిపించగా డిసెంబర్‌ 22 నాటికి నిర్మాణాలు వెలిశాయి. ఓ పెద్ద నగరాన్ని తలపించేలా మహాకుంభ మేళ ప్రాంతం దర్శనమివ్వగా ఇందుకు సంబంధించిన ఫోటోలు వైరల్‌గామ మారాయి.   ప్రయాగ్‌రాజ్‌లో మహా కుంభమేళాకు పోటెత్తుతున్న భక్తులు, 8 రోజుల్లో దాదాపు 9 కోట్ల మంది పుణ్య స్నానాలు, 45 రోజులపాటు సాగనున్న ఆధ్యాత్మిక వేడుక

ISRO Releases Space View Images of Maha Kumbh Mela