Madhya Pradesh Shocker: అనారోగ్యంతో బాధపడుతున్న తండ్రిని తోపుడు బండిపై ఆసుపత్రికి తరలించిన బాలుడు.. వీడియో ఇదిగో!
అనారోగ్యంతో బాధపడుతున్న తండ్రిని ఆసుపత్రికి తీసుకెళ్లేందుకు ఆరేళ్ల కుర్రాడు పడ్డ అవస్థ చూస్తే కళ్లు చెమర్చక మానవు.
Bhopal, Feb 12: అనారోగ్యంతో బాధపడుతున్న తండ్రిని ఆసుపత్రికి (Hospital) ఆటోలో (Auto) తీసుకెళ్లేందుకు ఆ ఆరేళ్ల బాలుడి (6 years old Boy) వద్ద డబ్బుల్లేవు. దీంతో చివరకు తోపుడు బండిని ఆశ్రయించాడు. తల్లితో కలిసి తండ్రిని తోపుడు బండిపై పడుకోబెట్టి తోసుకెళ్లాడు. మధ్యప్రదేశ్ లోని సింగ్రౌలీలో చోటుచేసుకున్న ఈ ఘటన అందర్నీ కంటతడి పెట్టిస్తోంది. ఈ ఘటనను అక్కడున్న వారు వీడియో తీసి సోషల్ మీడియాలో పోస్ట్ చేశారు. దీంతో ఆ వీడియో వైరల్ గా మారింది. అంబులెన్స్ సౌకర్యం లేకపోవడంతోనే బాలుడు తోపుడు బండిని ఆశ్రయించినట్టు తెలుస్తుంది.