Andhra Pradesh: వైఎస్ఆర్ పెన్షన్ కానుక నుండి ఎన్టీఆర్ భరోసాగా మారిన ఏపీ పెన్సన్ స్కీం పేరు, వచ్చే నెల నుంచి అర్హులైన వారికి రూ. 4 వేలు పెన్సన్

ఎన్నికల హామీలో భాగంగా సామాజిక భద్రత పెన్షన్ల పెంపును ప్రకటించిన చంద్రబాబు అధికారంలోకి రాగానే పెన్సన్ల పెంపును ప్రకటించారు. దీంతో పాటు ఆ పథకం పేరును మారుస్తూ జీవో విడుదల చేశారు. ఆంధ్రప్రదేశ్ పెన్షన్ స్కీమ్ పేరు వైఎస్ఆర్ పెన్షన్ కానుక నుండి ఎన్టీఆర్ భరోసాగా మారుస్తూ ఉత్తర్వులు జారీ చేశారు. రాష్ట్రంలో ప్రస్తుతం వృద్ధులు, వితంతువులు, ఒంటరి మహిళలు, చేనేత కార్మికులు, కల్లు గీత కార్మికులు, మత్స్యకారులు, చర్మకారులు, డప్పు కళాకారులు, హిజ్రాలు, హెచ్ ఐవీ బాధితులు, కళాకారులకు ప్రతీనెల రూ.3వేలు పింఛన్ అందుతుంది. పింఛన్ల పెంపుపై ఏపీ ప్రభుత్వం ఉత్తర్వులు జారీ.. రూ.3 వేల పింఛన్‌ ను ఒకేసారి రూ.4 వేలకు పెంచుతూ నిర్ణయం

సీఎంగా చంద్రబాబు ఆ పింఛన్ ను రూ.4వేలకు పెంచుతూ దస్త్రంపై గురువారం సంతకం చేశారు. దీంతో ఏప్రిల్ నుంచే పెంపును అమలు చేయనుండటంతో జులై 1న పింఛన్ కింద వీరికి రూ. 7వేలు (జులై1న ఇచ్చే రూ.4వేలు, ఏప్రిల్ నుంచి మూడు నెలలకు రూ వెయ్యి చొప్పున) అందివ్వనున్నారు. అలాగే.. దివ్యాంగులకు ప్రస్తుతం రూ.3వేలు అందుతుంది.. జులై నెల నుంచి వారికి రూ. 6వేలు అందివ్వనున్నారు.

Here's News