TDP MLA Nimmala Ramanaidu Arrest: టీడీపీ ఎమ్మెల్యే నిమ్మల రామా నాయుడు అరెస్ట్, ఏటి గట్టునే నిద్ర, స్నానం చేసి వినూత్న నిరసన తెలిపిన పాలకొల్లు ఎమ్మెల్యే

దళితుల భూముల్లో మట్టి తవ్వకాలకు వ్యతిరేకంగా టీడీపీ పాలకొల్లు ఎమ్మెల్యే నిమ్మల రామానాయుడు చేపట్టిన నిరసన ఉద్రిక్తతలకు దారితీసింది. ప్రభుత్వానికి వ్యతిరేకంగా, దళితులకు మద్దతుగా రామానాయుడు చేపట్టిన ఆందోళనను అడ్డుకునేందుకు పోలీసులు ప్రయత్నించారు. దీంతో ఆయన్ను అరెస్ట్ చేయనీయకుండా టీడీపీ నాయకులు, స్థానికులు అడ్డుకున్నారు.

తర్వాత పోలీసులు లాఠీచార్జ్ చేసి రామానాయుడిని స్టేషన్ కు తరలించారు. ప్రభుత్వ తీరుకు నిరసనగా పశ్చిమగోదావరి జిల్లా ఎలమంచిలి మండలం చించినాడ వద్ద దళితుల భూముల్లో సోమవారం రాత్రి బస చేశారు. మరుసటి రోజు ఉదయం పెరుగులంక సమీపంలో గోదావరి ఒడ్డున ఆరుబయటే స్నానం చేశారు. దళితులతో కలిసి అక్కడే అల్పాహారం తీసుకున్నారు. ఎన్ని రోజులైనా దళితులకు అండగా ఉంటానంటూ నిమ్మల రామానాయుడు ట్వీట్ చేశారు

Here's MLA Tweets