Hyderabad Fire: వీడియో ఇదిగో, కొంపల్లి సుచిత్ర ప్రధాన రోడ్డుపై గ్యాస్ పైప్ లైన్ లీక్, ఒక్కసారిగా ఎగసిన మంటలు, భయాందోళనకు గురైన స్థానికులు

హైదరాబాద్ లోని కొంపల్లి సుచిత్ర ప్రధాన రోడ్డుపై గ్యాస్ పైప్ లైన్ లీకైంది. గ్యాస్ పైప్ లీక్కావడంతో భారీగా మంటలు ఎగసిపడ్డాయి. ప్రధాన రహదారి రోడ్డు పక్కనే పెద్ద ఎత్తున మంటలు ఎగసి పడుతుండడంతో స్థానికులు భయాందోళనకు గురయ్యారు. మంటలు చూసి స్థానికులు పరుగులు పెట్టారు. ఈ విషయం తెలుసుకున్న పోలీసులు ఘటనాస్థలికి చేరుకుని, ట్రాఫిక్ ను మళ్లించారు. సంబంధిత గ్యాస్ ఏజెన్సీ సిబ్బందికి సమాచారం అందించారు. దీంతో గ్యాస్ ఏజెన్సీ వారు సరఫరా నిలిపివేశారు. పైప్ లైన్ కు సిబ్బంది మరమ్మతులు చేశారు. ఈ ఘటనలో ఎవరికీ ఎలాంటి గాయాలు కాలేదని పోలీసులు తెలిపారు.

Here's Videos