Beer Sale: ఎర్రటి ఎండల్లో చల్లటి బీర్లతో చిల్ అవుతున్నారు.. 18 రోజుల్లో 23 లక్షల కేస్ లు విక్రయం.. రూ.670 కోట్ల ఆదాయం
అసలే ఎండలు, వరుసగా కలిసివచ్చిన సెలవులు, పెండ్లిళ్ల సీజన్‌ వెరసి ఈ నెలలో తెలంగాణలో భారీగా బీర్ల అమ్మకాలు పెరిగాయి.
Hyderabad, Apr 20: ఎర్రటి ఎండల్లో చల్లటి బీర్లతో (Beer) చిల్ అవుతున్నారు తెలంగాణ ప్రజలు.. అసలే ఎండలు, వరుసగా కలిసివచ్చిన సెలవులు, పెండ్లిళ్ల సీజన్‌ వెరసి ఈ నెలలో తెలంగాణలో (Telangana) భారీగా బీర్ల అమ్మకాలు పెరిగాయి. ఈనెల 1 నుంచి 18 వరకు రూ.670 కోట్ల విలువైన బీర్లను తాగేశారు. ఏప్రిల్‌ 1 నుంచి 18 వరకు 23,58,827 కేస్ ల బీర్లు అమ్మడయ్యాయి. ఇది ఇప్పుడు ఆల్‌ టైమ్‌ రికార్డు. గతేడాది ఇదే నెలలో అమ్ముడైన రికార్డును బ్రేక్‌ చేస్తూ.. ఈ ఏడాది అధికంగా 28.7 శాతం బీర్ల అమ్మకాలు జరిగాయి.