Minister KTR: ఆ మహిళ చదువుకు అయ్యే ఖర్చు మొత్తం భరిస్తానని తెలిపిన మంత్రి కేటీఆర్, సస్పెండైన బీజేపీ నేత చేతిలో చిత్ర హింసలకు గురై ఆస్పత్రిలో కోలుకుంటున్న జార్ఖండ్ మహిళ

తన ఇంట్లో పని చేసే మహిళను బీజేపీ సస్పెండెడ్‌ నేత సీమా పాత్రా అత్యంత పైశాచికంగా హింసించిన వీడియో బయటకు వచ్చిన సంగతి విదితమే. ఈ నేపథ్యంలో తనకు చదువుకోవాలని ఉందంటూ బాధితురాలు చెప్పిన వీడియో ఒక దానిని ప్రముఖ జర్నలిస్ట్‌ బర్ఖా దత్ పోస్ట్‌ చేశారు. ‘‘ఆమె పళ్లు విరిగిపోయాయి. ఎనిమిదేళ్లుగా నరకం అనుభవించింది. సీమాపాత్ర ఆమెను క్రూరంగా హింసించింది. కోలుకున్నాక చదువుకోవాలని బాధితురాలు చెబుతోంది’’ అంటూ దత్‌ ఆ పోస్ట్‌లో పేర్కొన్నారు. దీనికి ట్విటర్‌లో స్పందించారు కేటీఆర్‌.

తాను వ్యక్తిగతంగా ఆమె చదువుకు అవసరమయ్యే సాయం అందించేందుకు సిద్ధమని కేటీఆర్‌ పేర్కొన్నారు. అంతేకాదు ఆమె కుటుంబ సభ్యుల వివరాలను పంపాలంటూ బర్ఖా దత్‌ను కోరారాయన. కేటీఆర్‌ బదులును అభినందించిన దత్‌.. అలాగే చేద్దాం అంటూ బదులిచ్చారు.