WhatsApp New Update: త్వరలో ఒకే సిమ్‌ పై రెండు వాట్సాప్‌ ఖాతాలు.. ‘మెటా’ సీఈవో మార్క్‌ జుకర్‌ బర్గ్‌ వెల్లడి
వాట్సాప్‌ మాతృసంస్థ ‘మెటా’ సీఈవో మార్క్‌ జుకర్‌ బర్గ్‌ తాజాగా ఈ విషయం వెల్లడించారు.
Hyderabad, Oct 20: ఒకే సిమ్‌ పై (One SIM) రెండు వాట్సాప్‌ ఖాతాల్లోకి (Whatsapp Account) లాగిన్‌ అయ్యే సదుపాయం త్వరలో అందుబాటులోకి రానుంది. వాట్సాప్‌ మాతృసంస్థ ‘మెటా’ సీఈవో మార్క్‌ జుకర్‌ బర్గ్‌ తాజాగా ఈ విషయం వెల్లడించారు. ప్రస్తుతం ఒక సిమ్‌ పై రెండు వాట్సాప్‌ ఖాతాల్ని కలిగి ఉండటానికి అవకాశం లేదు. రెండో సిమ్‌ లేదా రెండో ఫోన్‌ వాడాల్సిందే. ఒకే ఫోన్‌ లో ఒకే యాప్‌ లో రెండు వాట్సాప్‌ ఖాతాల్ని వాడుకునే సరికొత్త ఫీచర్‌ను తెస్తున్నామని, ఇది ఆండ్రాయిడ్‌ యూజర్లకు మరికొద్ది రోజుల్లో అందుబాటులోకి వస్తుందని జుకర్‌ బర్గ్‌ తెలిపారు. వాట్సాప్‌ సెట్టింగ్స్‌ లోకి వెళ్లి కొన్ని సెకన్లలలో రెండో అకౌంట్‌ ను ఓపెన్‌ చేయవచ్చునని, రెండు ఖాతాలకు ప్రైవసీ, నోటిఫికేషన్‌ సెట్టింగ్స్‌ ఒకే విధంగా ఉంటాయని కంపెనీ ఒక ప్రకటనలో తెలిపింది.