AUS vs AFG CWC 2023: గ్లెన్ మాక్స్‌వెల్‌ డేంజరస్ బ్యాటింగ్ దెబ్బకి వణికిన ఆప్ఘనిస్తాన్ బౌలర్లు, ఆఫ్ఘన్ ఆశలన్నీ బుగ్గిపాలు చేస్తూ సెమీస్ చేరిన ఆస్ట్రేలియా
వన్డే వరల్డ్‌కప్‌-2023లో ఆస్ట్రేలియా ఆల్‌రౌండర్‌ గ్లెన్ మాక్స్‌వెల్‌ విధ్వంసం సృష్టించాడు. జట్టు కష్టాల్లో కూరుకుపోయి ఉన్న వేళ అద్భుత ఇన్నింగ్స్‌తో ఆపద్భాందవుడిలా ఆదుకున్నాడు. వికెట్‌ పడకుండా జాగ్రత్త పడుతూనే వీలుచిక్కినప్పుడల్లా బంతిని బౌండరీకి తరలించి ఘన విజయాన్ని అందించాడు.
వన్డే వరల్డ్‌కప్‌-2023లో ఆస్ట్రేలియా ఆల్‌రౌండర్‌ గ్లెన్ మాక్స్‌వెల్‌ విధ్వంసం సృష్టించాడు. జట్టు కష్టాల్లో కూరుకుపోయి ఉన్న వేళ అద్భుత ఇన్నింగ్స్‌తో ఆపద్భాందవుడిలా ఆదుకున్నాడు. వికెట్‌ పడకుండా జాగ్రత్త పడుతూనే వీలుచిక్కినప్పుడల్లా బంతిని బౌండరీకి తరలించి ఘన విజయాన్ని అందించాడు. ఆకాశమే హద్దుగా చెలరేగి డబుల్ సెంచరీ సాధించాడు పోరాట యోధుడు.
లైఫ్‌లైన్‌ ఇచ్చిన మ్యాక్స్వెల్.. ఆఫ్ఘన్ బౌలర్లపై దారుణంగా దాడి చేశాడు. అతను టోర్నమెంట్‌లో రెండవ వందను కొట్టి రికార్డు పుస్తకాల్లోకి ప్రవేశించాడు.వాంఖడే స్టేడియంలో 100 బంతుల్లో 21 ఫోర్లు, 10 సిక్సర్ల సాయంతో 201 పరుగులతో నాటౌట్‌గా నిలిచాడు.డేంజరస్ ఆటగాడు అని ఎందుకంటారో గ్లెన్ మ్యాక్స్వెల్ మరోసారి ప్రూవ్ చేశాడు.
వికెట్లు కోల్పోయి, తన ఆస్ట్రేలియా జట్టు పీకల్లోతు కష్టాల్లో ఉన్నప్పుడు బరిలోకి దిగిన అతగాడు.. ఒంటిచేత్తో పోరాడి తన జట్టుకి ఘనవిజయం అందించాడు. తానొక్కడే 128 బంతుల్లో 201 (నాటౌట్) పరుగులు చేశాడంటే.. ఏ రేంజ్‌లో విజృంభించాడో అర్థం చేసుకోవచ్చు. కాలికి గాయమైనా, పరుగులు పెట్టలేని స్థితిలో ఉన్నా, జట్టు కష్టాల్లో ఉన్నా.. ఒత్తిడికి గురవ్వకుండా ఈజీగా బౌండరీలు బాదేశాడు. ఆఫ్ఘన్‌కు సునాయాసంగా దక్కాల్సిన విజయాన్ని అతడు లాగేసుకున్నాడు.
వాంఖడే స్టేడియం వేదికగా జరిగిన ఈ మ్యాచ్‌లో.. ఆప్ఘనిస్తాన్ జట్టు టాస్ గెలిచి బ్యాటింగ్ ఎంపిక చేసుకుంది. నిర్ణీత 50 ఓవర్లలో 5 వికెట్ల నష్టానికి 291 పరుగులు చేసింది. ఇబ్రహీం జాద్రాన్ (129 నాటౌట్) శతకంతో రాణించడం, చివర్లో రషీద్ ఖాన్ (35) మెరుపులు మెరిపించడం, ఇతర బ్యాటర్లు కాస్త పర్వాలేదనిపించడంతో.. ఆఫ్ఘన్ జట్టు అంత భారీ స్కోరు చేయగలిగింది. ఇక 292 పరుగుల లక్ష్యంతో బరిలోకి దిగిన ఆసీస్ జట్టు.. 46.5 ఓవర్లలో 7 వికెట్ల నష్టానికి 293 పరుగులు చేసి అఖండ విజయాన్ని నమోదు చేసింది.
91 పరుగులకే ఏడు వికెట్లు కోల్పోయిన దశలో మ్యాక్స్వెల్ మ్యాచ్ మొత్తాన్ని మలుపు తిప్పాడు. అతడ్ని ఔట్ చేసేందుకు ఆఫ్ఘన్ బౌలర్లు ఎలాంటి బంతులు వేసినా సరే.. ప్రయోజనం లేకుండా పోయింది. క్లిష్టమైన బంతుల్ని సైతం అతడు తనకు అనుకూలంగా మార్చుకొని, తన విశ్వరూపం చూపించాడు. నిజానికి.. మ్యాక్స్వెల్ మొదట్లోనే ఔట్ అవ్వాల్సింది.
అతడు రెండు క్యాచ్‌లు ఇచ్చాడు. కానీ.. ఆఫ్ఘన్ ఫీల్డర్లు ఆ క్యాచ్‌లను అందుకోలేకపోయారు. అదే అఫ్ఘన్ పాలిట శాపమైంది. మ్యాక్స్‌వెల్‌కి వన్డేల్లో ఇదే అత్యధిక స్కోరు.దీంతో పాటుగా 200 చేసిన అతికొద్ది మంది జాబితాలోనూ అతడు చేరిపోయాడు. ఈ మ్యాచ్ గెలిచి ఉంటే ఆఫ్ఘన్ టాప్-4లో చేరేది. ఇప్పుడు సెమీస్ ఆశలు కష్టతరంగా మారాయి.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)