Eco-Tourism in AP: టూరిజం స్పాట్‌గా ఏపీ, 4 ప్రసిద్ధ పర్యాటక ప్రదేశాలను.. ప్రధాన పర్యావరణ-పర్యాటక కేంద్రాలుగా మార్చే దిశగా జగన్ ప్రభుత్వం అడుగులు

Amaravati, July 7: పర్యాటక రంగం అభివృద్ధిలో భాగంగా రాష్ట్రంలో ఎకో టూరిజం అభివృద్ధికి పెద్దపీట వేసే దిశగా జగన్ ప్రభుత్వం ( YS Jagan Government) అడుగులు వేస్తోంది.  పర్యాటకుల (Tourists) కోసం అదనపు మౌలిక సదుపాయాలను సృష్టించడం ద్వారా ఆంధ్రప్రదేశ్ రాష్ట్ర ప్రభుత్వం (Andhra Pradesh Government) నాలుగు ప్రసిద్ధ పర్యాటక ప్రదేశాలను ప్రధాన పర్యావరణ-పర్యాటక కేంద్రాలుగా అభివృద్ధి చేయాలని యోచిస్తోంది. మారేడుమిల్లిలో ప్రస్తుతం ఉన్న వనవిహారి ఎకో-టూరిజం స్పాట్, అటవీ శాఖ ద్వారా నిర్వహించబడుతున్న కమ్యూనిటీ బేస్డ్ ఎకో-టూరిజం (CBET) స్పాట్‌లను కూడా కొత్త సౌకర్యాలతో అప్‌గ్రేడ్ చేయనున్నట్లు టైమ్స్ ఆఫ్ ఇండియా నివేదించింది.

దాని ప్రకారం, వనవిహారి ఆంధ్రప్రదేశ్ అటవీ శాఖ యాజమాన్యంలో ఉంది. అది మారేడుమిల్లిలో CBET ద్వారా నిర్వహించబడుతుంది. ఆంధ్రప్రదేశ్‌లోని ఈ ప్రాంతం తూర్పు కనుమలలో భాగమైన భూభాగాలపై పాక్షిక-సతత హరిత చెట్లకు నిలయం. రాష్ట్ర పర్యాటక మరియు అటవీ శాఖ కొత్త ప్రాజెక్టులపై పని చేయడానికి కలిసి వస్తుందని TOI ఆ కథనంలో నివేదించింది. ఎపి టూరిజం డెవలప్‌మెంట్ కార్పొరేషన్ (ఎపిటిడిసి) ఛైర్మన్ ఎ విజయప్రసాద రెడ్డి జాతీయ దినపత్రికతో మాట్లాడుతూ, పులికాట్, నేలపట్టు, కోరింగ మరియు పాపికొండలను "మెగా ఎకో టూరిజం కేంద్రాలు"గా మార్చడానికి ప్రణాళికలు సిద్ధం చేస్తున్నామని, విదేశాల నుండి కూడా పర్యాటకులను ఆకర్షించడానికి ప్రణాళికలు సిద్ధం చేస్తున్నామని చెప్పారు.

వైఎస్సార్‌సీపీ ప్లీనరీ 2022కు సర్వం సిద్దం, జూలై 8 నుంచి రెండు రోజుల పాటు సమావేశాలు, వైఎస్సార్‌సీపీ ప్లీనరీ పార్టీకి పండుగతో సమానమని తెలిపిన విజయసాయిరెడ్డి

ఈ ప్రాంతంలోని వృక్షజాలం మరియు జంతుజాలాన్ని అన్వేషించడానికి ఆసక్తి ఉన్న పర్యాటకులను ఆకర్షిస్తున్న అత్యంత అద్భుతమైన సహజ దృశ్యాలకు ఆంధ్రప్రదేశ్ నిలయంగా ఉందని గమనించాలి. ఉదాహరణకి, రాష్ట్రంలోని మారేడుమిల్లి గ్రామం అద్భుతమైన జలపాతాలు మరియు పచ్చని చెట్లకు నిలయం. జలతరంగిణి జలపాతాలు, స్వర్ణధార జలపాతాలు ఇక్కడి ఆకర్షణలు. తిరుపతి జిల్లాలో ఉన్న నేలపట్టు దాదాపు 1,500 ఎకరాల్లో విస్తరించి ఉన్న పక్షుల అభయారణ్యానికి ప్రసిద్ధి. పులికాట్ సరస్సు వద్ద పర్యాటకాన్ని ప్రోత్సహించడానికి ఆంధ్రప్రదేశ్ ప్రభుత్వం నిర్వహించిన ఫ్లెమింగో ఫెస్టివల్‌కు ఈ ప్రాంతం ప్రసిద్ధి చెందింది. ఈ ఎకో-టూరిజం హబ్‌లకు (Eco-Tourism )సురక్షితమైన ప్రయాణం చేయడానికి పర్యాటకులకు అదనపు సౌకర్యాలను కల్పించాలని రాష్ట్ర ప్రభుత్వం యోచిస్తోందని APTDC అధికారి చెప్పారంటూ నివేదిక పేర్కొంది.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)