Kuwait Fire Tragedy: కువైట్‌ మృతుల్లో ముగ్గురు ఆంధ్రప్రదేశ్ వాసులు, పొట్ట కూటి కోసం విదేశాలకు వెళ్ళి అక్కడే తిరిగిరాని లోకాలకు, ఈ రోజు స్వస్థలాలకు రానున్న మృతదేహాలు

Vjy, June 14: జూన్ 12న కువైట్‌లోని ఓ భవనంలో జరిగిన అగ్ని ప్రమాదంలో మరణించిన మొత్తం 45 మంది భారతీయులలో ముగ్గురు ఆంధ్రప్రదేశ్‌కు చెందినవారని ఆంధ్రప్రదేశ్ నాన్‌రెసిడెంట్ తెలుగు సొసైటీ (APNRTS) గురువారం విడుదల చేసిన పత్రికా ప్రకటనలో పేర్కొంది. మృతులు శ్రీకాకుళం జిల్లా సోంపేటకు చెందిన తామడ లోకనాధం, పశ్చిమగోదావరి జిల్లా ఖండవల్లి గ్రామానికి చెందిన మొల్లేటి సత్యనారాయణ, పశ్చిమగోదావరి జిల్లా అన్నవరప్పాడు గ్రామానికి చెందిన మీసాల ఈశ్వరుడుగా గుర్తించారు.

శ్రీకాకుళం జిల్లా వాసి లోకనాథం మంగళవారం రాత్రి కువైట్‌లోని అపార్ట్‌మెంటు వద్దకు చేరుకున్నారు. తెల్లవారితే పనిలో చేరే అవకాశం ఉండగా.. ఈలోపు అగ్ని ప్రమాదం సంభవించింది. గురువారం ఆయనకు ఫోన్‌ చేయగా స్విచాఫ్‌ రావడంతో కుటుంబ సభ్యులకు అనుమానం వచ్చింది. ఆయన విమాన టికెట్, ఇతర వివరాలతో కంపెనీలో వాకబు చేయడంతో మరణించిన విషయం తెలిసింది.  కువైట్ అగ్నిప్రమాదం, 45 మంది భారతీయుల మృతదేహాలను స్వదేశానికి తీసుకువచ్చిన IAF విమానం, వీడియో ఇదిగో..

APNRTS, NRIలు ఆంధ్ర ప్రదేశ్ నుండి వలస వచ్చిన వారికి సంబంధించిన విషయాలలో నోడల్ ఏజెన్సీ, మరింత సమాచారాన్ని తెలుసుకోవడానికి మరియు కుటుంబం తరపున వ్యక్తుల యొక్క మృత దేహాలను విమానాశ్రయం నుండి స్వీకరించే వ్యక్తుల వివరాలను సేకరించేందుకు కుటుంబాలను సంప్రదించింది. APNRTS న్యూఢిల్లీలోని AP భవన్‌తో మరణించిన వలసదారుల స్వస్థలాలకు మృత దేహాలను రవాణా చేయడం గురించి సమన్వయం చేస్తోంది.అంతేకాకుండా, మరణించిన వారి స్వస్థలాలకు తదుపరి రవాణా కోసం మృత దేహాన్ని కువైట్ నుండి న్యూ ఢిల్లీకి ప్రత్యేక వైమానిక దళం ద్వారా విమానంలో తరలించనున్నట్లు విదేశీ వ్యవహారాల మంత్రిత్వ శాఖ కూడా తెలియజేసింది.

తాజా సమాచారం ప్రకారం, మృతదేహాలు శుక్రవారం మధ్యాహ్నానికి న్యూఢిల్లీకి చేరుకునే అవకాశం ఉంది. శ్రీకాకుళం, పశ్చిమగోదావరి జిల్లాలకు తదుపరి రవాణా కోసం విశాఖపట్నం, విజయవాడ విమానాశ్రయాలకు పంపబడుతుంది. మరణించిన మొత్తం 45 మంది వలసదారులలో, కేరళ నుండి 23 మంది, తమిళనాడు నుండి ఏడుగురు, ఎపి, ఉత్తరప్రదేశ్ నుండి ముగ్గురు, ఒడిశా నుండి ఇద్దరు, బీహార్, పంజాబ్, కర్ణాటక, మహారాష్ట్ర1, పశ్చిమ బెంగాల్, జార్ఖండ్, హర్యానా నుండి ఒక్కొక్కరు ఉన్నట్లు తెలిసింది.

మరణించిన వారి కుటుంబ సభ్యులకు రూ.5లక్షల చొప్పున పరిహారం అందించాలని కేరళ ప్రభుత్వం నిర్ణయించింది. అగ్ని ప్రమాద బాధితులకు సాయం చేసేందుకు బుధవారం రాత్రే కువైట్‌ వెళ్లిన విదేశాంగశాఖ సహాయ మంత్రి కీర్తివర్ధన్‌ సింగ్‌ సహాయక చర్యలను పర్యవేక్షిస్తున్నారు. వ్యాపారవేత్తలైన లులు గ్రూప్‌ అధినేత యూసుఫ్‌ అలీ రూ.5 లక్షల చొప్పున, రవి పిళ్లై రూ.2 లక్షల చొప్పున పరిహారం ఇస్తామని తెలిపారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)