Hong Kong Suspends Flights: ఏప్రిల్ 20వ నుంచి మే 3 వ‌ర‌కు భారత్ నుంచి వెళ్లే విమానాలు రద్దు, కీల‌క నిర్ణ‌యం తీసుకున్న హాంకాంగ్ ప్ర‌భుత్వం, ముంబై – హాంకాంగ్ మార్గంలో వెళ్లే విస్తారా విమానాల‌పై మే 3 వ‌ర‌కు నిషేధం

Hong Kong, April 19: భార‌త్‌లో కొవిడ్ పాజిటివ్ కేసులు గ‌ణ‌నీయంగా పెరుగుతున్న క్ర‌మంలో హాంకాంగ్ ప్ర‌భుత్వం కీల‌క నిర్ణ‌యం తీసుకుంది. ఈ నెల 20వ తేదీ నుంచి మే 3 వ‌ర‌కు భార‌త్ మీదుగా హాంకాంగ్ వెళ్లే విమానాల‌న్నింటినీ ర‌ద్దు (Hong Kong Suspends Flights) చేసింది. ఈ తేదీల్లో పాకిస్తాన్, ఫిలిఫీన్స్ నుంచి బ‌య‌ల్దేరే విమానాల‌పై కూడా నిషేధం విధించింది.

భారత్‌నుంచి హాంకాంగ్‌ చేరుకున్న ప్రయాణికుల్లోనూ ముగ్గురికి వైరస్‌ నిర్థారణ అయింది. కాగా ఈ నెల‌లో రెండు విస్తారా విమానాల్లో ప్ర‌యాణించిన 50 మంది ప్ర‌యాణికుల‌కు క‌రోనా సోక‌డంతో ఈ నిర్ణ‌యం తీసుకున్న‌ట్లు హాంకాంగ్ ప్ర‌భుత్వం వెల్ల‌డించింది. ఈ మేరకు ఆదివారం కీలక ప్రకటన వెల్లడించింది. ముంబై – హాంకాంగ్ మార్గంలో వెళ్లే విస్తారా విమానాల‌ను మే 3 వ‌ర‌కు నిషేధించింది.

పూర్తి లాక్‌డౌన్ లేకుండా కర్ఫ్యూలు విధిస్తున్న రాష్ట్రాలు, దేశంలో తాజాగా 2,73,810 మందికి కరోనా నిర్ధారణ, కరోనాతో మాజీ మంత్రి కన్నుమూత, 4 వేల రైల్వే బోగీలను కొవిడ్‌ కేర్‌ ఐసోలేషన్‌ కేంద్రాలుగా మార్చిన రైల్వే శాఖ

ఆర్టీపీసీఆర్ ఫలితంలో 72గంటల ముందు నెగెటివ్ వస్తేనే ప్రయాణించాల్సి ఉంది. అంతకంటే ముందు ఢిల్లీ నుంచి హాంకాంగ్ వెళ్లే విమానాల్లోని ప్రయాణికులకు 47మంది వరకూ పాజిటివ్ వచ్చింది. దీంతో ఏప్రిల్ 6నుంచి ఏప్రిల్ 19వరకూ ఆ మార్గంలోని విమానాల రాకపోకలు నిలిపివేసిన సంగతి తెలిసిందే